ମୁମ୍ବଇ : ମହାରାଷ୍ଟ୍ରର ରାଜଧାନୀ ମୁମ୍ବଇର ମାନଖୁର୍ଦ ଅଞ୍ଚଳରେ ମା’ର ମମତାରେ କଳଙ୍କ ଲଗାଇବା ଭଳି ଏକ ଘଟଣା ପଦାକୁ ଆସିଛି। ଏଠାରେ ଏକ ନାବାଳିକାକୁ ତାର ମା’ ଦେହବେପାର ପାଇଁ ବାଧ୍ୟ କରିବା ସହ ଜଣେ ବୁଢାକୁ ବିକି ଦେଇଥିବାର ଅଭିଯୋଗ ହୋଇଛି। ଏପରିକି ନାବାଳିକାକୁ ତାର ଭାଇ ବଳାତ୍କାର କରିଛି। ନାବାଳିକାର ଅଭିଯୋଗ ଆଧାରରେ ପୁଲିସ୍ ଅଭିଯୁକ୍ତ ମା’-ପୁଅଙ୍କ ସମେତ ୫ ଜଣଙ୍କୁ ଗିରଫ କରିଛି।
ପୁଲିସ୍ ସୂଚନା ଅନୁସାରେ ୧୬ ବର୍ଷର ନାବାଳିକାକୁ ତାର ମା’ ଗତ ବର୍ଷ ଜଣେ ଯୁବକ ସହ ବିବାହ କରାଇଦେଇଥିଲା। ମାତ୍ର ତାର ସ୍ୱାମୀ ବଳପୂର୍ବକ ସମ୍ପର୍କ ରଖୁଥିଲା ଓ ବିଭିନ୍ନ ସମୟରେ ତାକୁ ମାଡ଼ ମାରୁଥିଲା। ଯନ୍ତ୍ରଣା ଅହସ୍ୟ ହେବାରୁ ପୀଡ଼ିତା କିଛି ମାସ ତଳେ ନିଜ ମା’ ପାଖକୁ ମୁମ୍ବଇର ମାନଖୁର୍ଦ ଅଞ୍ଚଳକୁ ପଳାଇ ଆସିଥିଲା। ହେଲେ ମା’ ପାଖରେ ତାକୁ ଅଧିକ ଯନ୍ତ୍ରଣା ସହ୍ୟ କରିବାକୁ ପଡିଥିଲା। କେତେ ମାସ ପରେ ନାବାଳିକାକୁ ତାର ମା’ ଜଣେ ଦଲାଲ ପାଖକୁ ନେଇଯାଇଥିଲା। ସେଠାରେ ତାକୁ ଦେହ ବେପାର କରିବାକୁ ବାଧ୍ୟ କରାଯାଇଥିଲା। ବିରୋଧ କରିବାରୁ ତାର ଭାଇ ତାକୁ ବଳାତ୍କାର କରିଥିଲା। ଏହାପରେ ମା’ ତାକୁ ଜଣେ ୬୦ ବର୍ଷର ବୃଦ୍ଧକୁ ବିକି ଦେଇଥିଲା। ନାବାଳିକା ଶନିବାର ଦିନ ସେଠାରୁ କୌଣସି ପ୍ରକାରେ ଖସି ମାନଖୁର୍ଦ ଥାନରେ ପହଞ୍ଚିଥିଲା। ପୁଲିସ ନାବାଳିକାର ଅଭିଯୋଗ ଶୁଣିବା ପରେ ମାମଲା ରୁଜୁ କରିଛି। ପୀଡ଼ିତାର ଅଭିଯୋଗ ଆଧାରରେ ସମସ୍ତ ଅଭିଯୁକ୍ତଙ୍କୁ ପୁଲିସ୍ ଗିରଫ କରିଛି। ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ଦାବି ହେଉଛି।
Comments are closed.