ସମାଜ ଡିଜିଟାଲ ଡେସ୍କ: ସାମାଜିକ ଗଣମାଧ୍ୟମରେ କଂଗ୍ରେସ ସାଂସଦ ଶଶି ଥରୁରଙ୍କ ପୋଷ୍ଟ ସର୍ବଦା ଚର୍ଚ୍ଚାରେ ରହିଥାଏ। ଏଥର ବି ତାଙ୍କର ଏକ ପୋଷ୍ଟ ଚର୍ଚ୍ଚାରେ ରହିଛି। ଯେଉଁ ପୋଷ୍ଟରେ ସେ ତାଙ୍କ ବଗିଚାରେ ଏକ ମାଙ୍କଡ଼ ସହିତ ତାଙ୍କର ସାକ୍ଷାତ ବିଷୟରେ ବର୍ଣ୍ଣନା କରିଛନ୍ତି। ଏହାର ଏକ ଫଟୋ ସେ ଶେୟାର କରିଛନ୍ତି, ଯେଉଁଥିରେ ଉଭୟଙ୍କ ମଧ୍ୟରେ ଏକ ଉତ୍କଣ୍ଠାପୂର୍ଣ୍ଣ ମୁହୂର୍ତ୍ତ ଦେଖିବାକୁ ମିଳିଛି।
ଥରୁର ପୋଷ୍ଟରେ ଲେଖିଛନ୍ତି, ସେ ସକାଳୁ ସକାଳୁ ନିଜ ବଗିଚାରେ ଚୌକିରେ ବସି ଖବରକାଗଜ ପଢ଼ୁଥିଲେ। ଠିକ୍ ସେହି ସମୟରେ ଏକ ମାଙ୍କଡ଼ ଅଚାନକ ତାଙ୍କ ପାଖକୁ ଆସିଥିଲା। ଥରୁର କିଛି ବୁଝିବା ପୂର୍ବରୁ ମାଙ୍କ ତାଙ୍କ କୋଳରେ ଆରାମରେ ବସିପଡ଼ିଲା। ଥରୁର କିନ୍ତୁ ଆଦୌ ବିଚଳିତ ନ ହୋଇ ଶାନ୍ତ ରହିଥିଲେ। କିନ୍ତୁ ମନରେ ଭୟ ଥିଲା କାଳେ ମାଙ୍କଡ଼ କାମୁଡ଼ି ଦେବ କି।
ତେବେ କିଛି ସମୟ ଯିବା ପରେ ମାଙ୍କଡ଼ଟି କିଛି କ୍ଷତି କରି ନ ଥିଲା। ଥରୁର ସେମିତି ବସି ରହିଥିଲେ। ସେ ତା’କୁ ଏକ କଦଳୀ ଦେଇଥିଲେ। ମାଙ୍କଡ଼ଟି ଖୁସିରେ ଖୁସିରେ ଖାଇଦେଇଥିଲା। ଏହା ପରେ ମାଙ୍କଡ଼ଟି ଥରୁରଙ୍କୁ ଜାବୁଡ଼ି ଧରିବା ସହିତ ତାଙ୍କା ଛାତିରେ ମୁଣ୍ଡ ରଖି ଶୋଇପଡ଼ିଥିଲା। ଏହି ଅନୁଭୂତି ଅବିସ୍ମରଣୀୟ ବୋଲି ଥରୁର କହିଛନ୍ତି। ସାମାଜିକ ଗଣମାଧ୍ୟମରେ ଲୋକମାନେ ଏହି ଦୃଶ୍ୟ ଦେଖି ନା ନା ପ୍ରକାର ପ୍ରତିକ୍ରିୟା ଦେଇଛନ୍ତି।
Had an extraordinary experience today. While i was sitting in the garden, reading my morning newspapers, a monkey wandered in, headed straight for me and parked himself on my lap. He hungrily ate a couple of bananas we offered him, hugged me and proceeded to rest his head on my… pic.twitter.com/MdEk2sGFRn
— Shashi Tharoor (@ShashiTharoor) December 4, 2024
