ମୋହନା: ଗଛ ବଞ୍ଚାଇଦେଲା ୩ଟି ଜୀବନ। ମରଣ ମୁହଁରୁ ଅଳ୍ପକେ ବର୍ତ୍ତି ଯାଇଛନ୍ତି କାର ଚାଳକଙ୍କ ସମେତ ଦମ୍ପତି । ଘଟଣା ଘଟିଛି ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଭୀମଦଲି ଘାଟିରେ । ମଞ୍ଜୁ ଲତା ମହାରଣା ନିଜ ସ୍ୱାମୀ ପ୍ରଭାକର ମହାରଣାଙ୍କୁ ଚିକିତ୍ସା କରାଇବା ପାଇଁ ବ୍ରହ୍ମପୁର ଯାଉଥିବା ବେଳେ କୌଣସି କାରଣରୁ କାର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା। କାରଟି ଏକ ବିରାଟ ଗର୍ତ୍ତ ମଧ୍ୟକୁ ଖସିଯିବା ପୂର୍ବରୁ ଏକ ଗଛକୁ ଧକ୍କା ଦେଇ ଓଲଟି ପଡିଥିଲା। ଅଳ୍ପକେ ଚାଳକ ଓ ଦମ୍ପତି ବଞ୍ଚିଯାଇଥିଲେ। କିଛି ସ୍ଥାନୀୟ ଲୋକେ ସଙ୍ଗେ ସଙ୍ଗେ ୧୦୮କୁ ଫୋନ କରିବାରୁ ଆମ୍ବୁଲାନ୍ସ ପହଞ୍ଚି ଘଟଣା ସ୍ଥଳରୁ ମଞ୍ଜୁଲତା ଓ ତାଙ୍କ ସ୍ୱାମୀ ପ୍ରଭାକରଙ୍କୁ ଉଦ୍ଧାର କରି ମୋହନା ସ୍ୱାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ଆଣିଥିଲା। ଉଭୟ ଦମ୍ପତି ସାମାନ୍ୟ ଆହତ ହୋଇଥିବା ଡାକ୍ତର କହିଛନ୍ତି।
Comments are closed.