ମୋହନା: ଗଜପତି ଜିଲ୍ଲା ମୋହନା ବ୍ଲକ ଅନ୍ତର୍ଗତ ଅଡବା ଗ୍ରାମର ନୂଆ ସାହିରେ ବିଦ୍ୟୁତ ସର୍ଟ ସର୍କିଟ ଘଟି ସୋମନାଥ ସାହୁଙ୍କ ଘର ଅଚାନକ ପୋଡ଼ି ଯାଇଛି। ଘର ପୋଡ଼ି ଯାଉଥିବା ଜାଣି ଗ୍ରାମର କିଛି ଯୁବକ ଓ ଗ୍ରାମବାସୀଙ୍କ ମିଳିତ ଉଦ୍ୟମରେ ନିଆଁକୁ କିଛି ମାତ୍ରାରେ ଆୟତ୍ତ କରାଯାଇଥିଲା। ନିଆଁରେ ତାଙ୍କ ଘରର ଟିଭି, ଲୁଗାପଟା, ଚାଉଳ ଏବଂ ଘରର ସମସ୍ତ ଆସବାବପତ୍ର ପୋଡ଼ି ପାଉଁଶ ହୋଇଯାଇଛି। ତାଙ୍କ ପଡ଼ୋଶୀରେ ରହୁଥିବା ପି. ଝୁନୁ ରାଓଙ୍କର ମଧ୍ୟ କିଛି ସାମଗ୍ରୀ ନିଆଁ ଲାଗି ନଷ୍ଟ ହୋଇଯାଇଛି। ବିଳମ୍ବରେ ଖବର ପାଇ ମୋହନା ଅଗ୍ନିଶମ ଅଧିକାରୀ ତାରାକାନ୍ତ ମହାପାତ୍ର ଓ କର୍ମଚାରୀ ପହଞ୍ଚିଲା ବେଳକୁ ସାହୁଙ୍କର ସମସ୍ତ ସାମଗ୍ରୀ ପୋଡ଼ି ପାଉଁଶ ହୋଇଯାଇଥିଲା। ଘଟଣାସ୍ଥଳରେ ଅଡବା ରାଜସ୍ବ ନିରୀକ୍ଷକ ଥବିର କୁମାର ପଣ୍ଡା ପହଞ୍ଚିଥିଲେ। ତଦନ୍ତ କରି କ୍ଷୟକ୍ଷତିର ଆକଳନ କରି ତହସିଲଦାରଙ୍କୁ ରିପୋର୍ଟ ପ୍ରଦାନ କରିଛନ୍ତି। ଯଥାଶୀଘ୍ର ସରକାରୀ ନିୟମ ଅନୁଯାୟୀ କ୍ଷତିପୂରଣ ଦିଆଯିବ ବୋଲି ସେ କହିଛନ୍ତି।
Comments are closed.