ମୋହନା : ବରିଷ୍ଠ ନାଗରିକ ଦିବସ ଉପଲକ୍ଷେ ସ୍ଥାନୀୟ ତାଲୁକ ଆଇନ ସେବା କମିଟି ଏବଂ ସ୍ୱେଚ୍ଛାସେବୀ ଅନୁଷ୍ଠାନ ସିସିଡବ୍ଲ୍ୟୁଡି ଦ୍ୱାରା ଆଇନ ସଚେତନତା ଶିବିର ସିସିଡବ୍ଲ୍ୟୁଡି କାର୍ଯ୍ୟାଳୟ ପରିସରରେ ବରିଷ୍ଠ ନାଗରିକ ଦିବସ ପାଳିତ ହୋଇଯାଇଛି । ପ୍ରଥମ ଶ୍ରେଣୀ ବିଚାର ବିଭାଗୀୟ ଅଦାଲତ ବିଚାରପତି ତଥା ତାଲୁକ ଆଇନ ସେବା କମିଟି ଅଧ୍ୟକ୍ଷ ମାନସ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅତିଥିଭାବେ ଗ୍ରାମ ପଞ୍ଚାୟତର ସମ୍ପ୍ରସାରଣ ଅଧିକାରୀ ନରସିଂହ ମାଣ୍ଡାଙ୍ଗି, ଓକିଲ ଦୁର୍ଯ୍ୟୋଧନ କରଡା, ରାଜେନ୍ଦ୍ର ନାୟକ, ସିମାଞ୍ଚଳ କାର୍ଯୀ ଏବଂ ସରକାରୀ ଓକିଲ ବୈଦ୍ୟନାଥ ସିଂ, ଆଦିତ୍ୟ ନାରାୟଣ ତ୍ରିପାଠୀ, ମଧୁସୁଦନ ପାଢୀଙ୍କ ସମେତ ଶିକ୍ଷାବିତ ମାର୍ଶାଲ ନାୟକ, ଅଧ୍ୟାପକ ଅନ୍ତର୍ଯ୍ୟାମୀ ଗୌଡ, ଥାନା ଏସଆଇ ପିଙ୍କି ମୁର୍ମୁ ଯୋଗ ଦେଇଥିଲେ। ଅତିଥିମାନେ ନିଜ ବକ୍ତବ୍ୟରେ ଉପସ୍ଥିତ ବରିଷ୍ଠ ନାଗରିକ, ମହିଳା ସ୍ୱୟଂ ସହାୟିକା ଗୋଷ୍ଠୀ ଓ ସାଧାରଣ ଲୋକଙ୍କୁ ବରିଷ୍ଠ ନାଗରିକ ମାନଙ୍କ ପାଇଁ ରହିଥିବା ବିଭିନ୍ନ ସରକାରୀ ଯୋଜନା, କେନ୍ଦ୍ର ସରକାରଙ୍କ ଭତା, ରାଜ୍ୟ ସରକାରଙ୍କ ଭତା, ବୃଦ୍ଧାଶ୍ରମ, ମଧୁବାବୁ ଯୋଜନା, ସାମାଜିକ ସୁରକ୍ଷା, ତିର୍ଥ ଯାତ୍ରା, ବରିଷ୍ଠ ନାଗରିକଙ୍କୁ ସମ୍ମାନ ଦେବା ଏବଂ କେନ୍ଦ୍ର ଓ ରାଜ୍ୟ ସରକାରଙ୍କ ବରିଷ୍ଠ ନାଗରିକ ମାନଙ୍କ ପାଇଁ ଉଦ୍ଧିଷ୍ଟ ବିଭିନ୍ନ ଯୋଜନା ଓ ଆଇନ ସଚେତନତା ଉପରେ କହିଥିଲେ। ଏହି କାର୍ଯ୍ୟକ୍ରମକୁ ସିସିଡବ୍ଲ୍ୟୁଡିର କର୍ମଚାରୀମାନେ ପରିଚାଳନା କରିଥିଲେ।
