ନୂଆଦିଲ୍ଲୀ: ଆଜି ଝାରସୁଗୁଡା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପୂର୍ବାହ୍ନ ୧୧ଟା ୧୦ମିନିଟରେ ଝାରସୁଗୁଡା ବିମାନ ବନ୍ଦରରେ ପହଞ୍ଚିବା ପରେ ସେଠାରୁ ଯାଇ ୧୧ଟା ୨୫ରେ ଅମଲିପାଲି ପଡିଆରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେବେ ମୋଦୀ । ଯୁବ ସମାବେଶରେ ସମ୍ବୋଧନ କରିବେ ପ୍ରଧାନମନ୍ତ୍ରୀ । ମୋଦୀ ଆସୁଥିବା ନେଇ ଏକ୍ସରେ ନିଜେ ସୂଚନା ଦେଇଛନ୍ତି ।
ପ୍ରାୟ ଏକ ଘଣ୍ଟାର କାର୍ଯ୍ୟକ୍ରମ ଭିତରେ ୫୦ହଜାର କୋଟି ଟଙ୍କାର ବିଭିନ୍ନ ବିକାଶମୂଳକ ପ୍ରକଳ୍ପର ଉଦଘାଟନ କରିବେ, ଏହାସହିତ ୯୭ହଜାର ୫୦୦ରୁ ଅଧିକ ଟେଲକମ୍ ଟାୱାର କାର୍ଯ୍ୟକ୍ଷମ କରାଯିବ ବୋଲି ମୋଦୀ ଏକ୍ସରେ ସୂଚନା ଦେଇଛନ୍ତି । ଏସବୁ ସ୍ଥାନୀୟ ପ୍ରଯୁକ୍ତିବିଦ୍ୟା ବ୍ୟବହାର କରାଯାଇ ନିର୍ମିତ କରାଯାଇଛି । ସୀମାନ୍ତ ଅଞ୍ଚଳ ଓ ମାଓ ପ୍ରଭାବିତ ଅଞ୍ଚଳ ଗୁଡିକରେ ସଂଯୋଗ ବୃଦ୍ଧି କରିବ । ଏହାସହିତ ଅମୃତ ଭାରତ ଏକ୍ସପ୍ରେସର ଶୁଭାରମ୍ଭ କରିବେ ମୋଦୀ । ବ୍ରହ୍ମପୁରରୁ ଗୁଜରାଟର ସୁରଟକୁ ସଂଯୋଗ କରିବ ଏହି ଅମୃତ ଭାରତ ଏକ୍ସପ୍ରେସ ।
Will be in Jharsuguda, Odisha, to inaugurate developmental works worth over Rs. 50,000 crore. In a historic feat, over 97,500 telecom towers across India would be commissioned. These have been built using local technologies and will boost connectivity in remote areas, border…
— Narendra Modi (@narendramodi) September 27, 2025
