ଗଞ୍ଜାମ: ଆଜି ଏନ୍ସିସି ନେଭାଲ୍ ୟୁନିଟ,ବ୍ରହ୍ମପୁର ପକ୍ଷରୁ ଏକ “ନାଗରିକ ସୁରକ୍ଷା ପ୍ରସ୍ତୁତି ମକ୍ ଡ୍ରିଲ୍ ସଚେତନତା କାର୍ଯ୍ୟକ୍ରମ” ଗଞ୍ଜାମ ମହାବିଦ୍ୟାଳୟ ପରିସର ରେ ଅନୁଷ୍ଠିତ ହୋଇଯାଇଛି । ଯୁଦ୍ଧକାଳୀନ ପରିସ୍ଥିତି ରେ ଏନସିସି କିପରି ବିଭିନ୍ନ ଉପାୟରେ ସାଧାରଣ ପ୍ରଶାସନ ତଥା ସରକାର ଙ୍କୁ ସାହାଯ୍ୟ କରିପାରିବେ, ସେହି ସମ୍ପର୍କରେ ମଧ୍ୟ ଆଲୋଚନା ହୋଇଛି।
ସମ୍ଭାବ୍ୟ ଯୁଦ୍ଧ ସମୟରେ ଏୟାର ରେଡ ଆଲାର୍ମ, ବ୍ଲାକ ଆଉଟ୍, ବିଭିନ୍ନ ଉଦ୍ଧାର କାର୍ଯ୍ୟ, ଫାୟାର ଫାଇଟିଂ ତଥା ବିଭିନ୍ନ ପ୍ରକାର ସିଭିଲ ଡିଫେନ୍ସେ କାମରେ ଏନସିସି କ୍ୟାଡେଟ ମାନଙ୍କ କେଉଁ ପ୍ରକାର ସହଭାଗିତା ରହିବ ସେ ସମ୍ପର୍କରେ ଏନସିସି କ୍ୟାଡେଟ ମାନଙ୍କୁ ଅବଗତ କରାଯାଇଛି। ଆଜିର ଏହି କାର୍ଯ୍ୟ କ୍ରମ ରେ ଗଞ୍ଜାମ କଲେଜର ୨୫ ଜଣ ଛାତ୍ରଛାତ୍ରୀ ଏବଂ ଏନସିସି ସିନିୟର୍ କ୍ୟାଡେଟ ଭାଗ ନେଇଥିଲେ।
