ନର୍ଲା: ତୁଳାପଡା ଶିବ ମନ୍ଦିର ନିକଟସ୍ଥ ପଡିଆରେ ବୁଧବାର ପୂର୍ବାହ୍ନରେ ନବ ନିର୍ମିତ ମିଶନ ଶକ୍ତି ଗୃହର ଶୁଭ ଉଦଘାଟନ ସହ ଏହାକୁ ମା’ ମଙ୍ଗଳା ସ୍ବୟଂ ସହାୟକ ଗୋଷ୍ଠୀକୁ ହସ୍ତାନ୍ତର କରାଯାଇଛି । ପ୍ରଥମେ ଏହାର ପୂଜାର୍ଚ୍ଚନା ପରେ ଉଦଘାଟନ କରାଯାଇଥିଲା। ଏଥିସହ ଚଳିତ ରବି ଧାନ ମଣ୍ଡିର ଶୁଭ ଉଦଘାଟନ ହୋଇଛି। ଏହି ଗୃହରେ ମିଶନ ଶକ୍ତିର ତାଲିମ ଓ ସଭା ଅନୁଷ୍ଠିତ ହେବ। ଏପରିକି ଏଠାରେ ମହିଳାମାନଙ୍କ ନିଜସ୍ବ ଉତ୍ପାଦନ ବିକ୍ରୟ କରିବା ସହିତ ଚାଷୀଙ୍କ ପଞ୍ଜିକରଣ ପାଇଁ ବ୍ୟବସ୍ଥା କରାଯାଇଛି।
ଏହି ଉଦଘାଟନୀ ଉତ୍ସବରେ ସିଡିପିଓ ନିବାସୀନି ବିଶ୍ବାଳ, ଡିପିସି ମିଶନଶକ୍ତି ଅମ୍ରିତ ପାଢୀ, ତୁଳାପଡା ସରପଞ୍ଚ ମଲ୍ଲୀହାର ପଧାନ, ନାଏବ ସରପଞ୍ଚ ରଞ୍ଜନ କୁମାର ନାୟକ, ବିପିସି ମିଶନଶକ୍ତି ରୋହିତ ବିଶ୍ବାଳ, ତୁଳାପଡା ସେକ୍ଟର ସୁପରଭାଇଜର୍ ଗୀତାଞ୍ଜଳୀ ସାହୁ, ଗ୍ରାମ୍ୟ କୃଷି କର୍ମଚାରୀ ସବିତା ସେନାପତି, ନିୟନ୍ତ୍ରିତ ବଜାର କମିଟିର କର୍ମଚାରୀ ମୁକୁନ୍ଦ ଭୋଇଙ୍କ ସମେତ ମିଶନ ଶକ୍ତିର ସମସ୍ତ ସଦସ୍ୟା ଓ କୃଷକମାନେ ଉପସ୍ଥିତ ଥିଲେ। ମା’ ମଙ୍ଗଳା ସ୍ବୟଂ ସହାୟକ ଗୋଷ୍ଠୀର ସମସ୍ତ ମହିଳାମାନେ ପୂର୍ଣ୍ଣ ସହଯୋଗ କରିଥିଲେ।
Comments are closed.