ମୁମ୍ବଇ: ନ୍ୟାଶନାଲ୍ ଟେଲିଭିଜନରେ ଆପଣ ପୂର୍ବରୁ ଅନେକ ଲୋକପ୍ରିୟ ସେଲିବ୍ରିଟିଙ୍କୁ ନିଜ ସାଥୀ ଖୋଜୁଥିବାର ଦେଖିଥିବେ। ଟିଭିରେ ଜୀବନସାଥୀ ଖୋଜିବାର ଟ୍ରେଣ୍ଡ୍ ବହୁତ ଆଗରୁ ଚାଲି ଆସିଛି। ରତନ ରାଜପୁତ, ରାକ୍ଷୀ ସାୱନ୍ତଙ୍କ ଭଳି କଳାକାର ଟିଭିରେ ସ୍ବୟଂବର କରିଛନ୍ତି। କିନ୍ତୁ ଏବେ ବଲିଉଡ଼ର ପ୍ରସିଦ୍ଧ ଗାୟକ ମିକା ସିଂହ ଏକ ରିୟାଲିଟି ଶୋ’ରେ ନିଜ ଜୀବନସାଥୀ ଖୋଜୁଥିବା ଦେଖିବାକୁ ମିଳିବ।
ରିପୋର୍ଟ ଅନୁସାରେ, ମିକା ସିଂହ ଟିଭିରେ ନିଜର ସ୍ବୟଂବର କରିବେ। ଏହି ରିୟାଲିଟି ଶୋ’ ଆଗରୁ ହୋଇଥିବା ସ୍ବୟଂବର ଭଳି ହିଁ ହେବ। ଶୋ’କୁ କିଛି ମାସ ମଧ୍ୟରେ ପ୍ରସାରିତ କରିବାର ଯୋଜନା ରହିଛି। ରିପୋର୍ଟରୁ ଜଣାପଡ଼ିଛି ଯେ, ମିକା ଶୋ’ରେ ବିବାହ କରିବେ ନାହିଁ। ସେ କେବଳ ନିର୍ବନ୍ଧ କରିବେ ଓ ଏହାପରେ ସେମାନେ ସେମାନଙ୍କର ସମ୍ପର୍କକୁ ଆଗକୁ ବଢାଇବେ। ଶୋ’ରେ ଭାଗ ନେବାକୁ ନେଇ ମିକା ଖୁବ୍ ଉତ୍ସାହିତ ଥିବା ଜଣାପଡ଼ିଛି। ଦେଶର ବିଭିନ୍ନ ସ୍ଥାନରୁ ଆସିଥିବା ପ୍ରତିଯୋଗୀମାନେ ଏହି ଶୋ’ରେ ଅଂଶଗ୍ରହଣ କରିବେ।
Comments are closed.