ଆଠଗଡ : ଆଠଗଡ ସହରର ଅଶୋକନଗରରେ ଥିବା ସରକାରୀ ଜାଗାକୁ ଚିହ୍ନଟ କରି ଆବଶ୍ୟକ ସ୍ଥଳେ ଜବରଦଖଲ ଉଚ୍ଛେଦ କରିବା ପାଇଁ ସାହିବାସିନ୍ଦା ଦାବି କରିଛନ୍ତି । ସେଠାରେ ୪୦ବର୍ଷ ପୂର୍ବରୁ ସ୍ଥାନୀୟ ଲୋକଙ୍କ ଦ୍ୱାରା ନିର୍ମିତ ଓ ପ୍ରତିଷ୍ଠିତ ଏକ ମଙ୍ଗଳା ମନ୍ଦିର ରହିଛି । ଯେଉଁ ମନ୍ଦିରରେ ସ୍ଥାନୀୟ ଅଞ୍ଚଳର ଲୋକମାନେ ପୂଜା ଆରାଧନା ଓ ନୀତିକାନ୍ତି କରିଆସୁଛନ୍ତି। ଚାନ୍ଦବାଲିଛକଠାରୁ ଯାତମୁଣ୍ଡିଆ ପର୍ଯ୍ୟନ୍ତ ଅଶୋକନଗର ଦେଇ ଯାଇଥିବା ରାସ୍ତାର ଉନ୍ନତିିକରଣ ଓ ପ୍ରଶସ୍ତିକରଣ କାର୍ଯ୍ୟ ଆରମ୍ଭ ହୋଇଥିବାରୁ ସେଠାରେ ଥିବା ମଙ୍ଗଳାମନ୍ଦିରର ଅଧିକାଂଶ ଅଂଶ ଭଙ୍ଗାଯିବାର ଆଶଙ୍କା ରହିଛି। ସେହି ମନ୍ଦିର ପଛପାର୍ଶ୍ବକୁ ଲାଗି ଏକ ସରକାରୀ ଯାଗା ରହିଛି । ମନ୍ଦିର ଭାଙ୍ଗିଲେ ପଛପଟ ଜାଗାରେ ସାହି ବାସିନ୍ଦା ନୂତନ ମନ୍ଦିର ନିର୍ମାଣ କରିବା ପାଇଁ ଯୋଜନା ରଖିଛନ୍ତି । ତେବେ ଉକ୍ତ ସରକାରୀ ଜାଗାକୁ ଚିହ୍ନଟ କରି ଆବଶ୍ୟକସ୍ଥଳେ ଜବରଦଖଲ ଉଚ୍ଛେଦ କରିବା ପାଇଁ ସାହିବାସିନ୍ଦା ସୋମବାର ତହସିଲଦାର ପ୍ରିୟବ୍ରତ ଦାସଙ୍କୁ ଭେଟି ଏକ ନିବେଦନ ପତ୍ର ପ୍ରଦାନ କରିଛନ୍ତି । ତହସିଲଦାର ଶ୍ରୀ ଦାସ ସେଠାରେ ଥିବା ସରକାରୀ ଜାଗାକୁ ଚିହ୍ନଟ କରାଯିିବ ବୋଲି ସେମାନଙ୍କୁ ପ୍ରତିଶୃତି ଦେଇଥିଲେ। ସାହିର ସଭାପତି ଶିକ୍ଷାବିତ୍ ପ୍ରମୋଦ କୁମାର ଜେନା, ସଂପାଦକ ଉପେନ୍ଦ୍ରନାଥ ଜେନା, କାଉନସିଲର ମମତାମୟୀ ସେଠୀ, ପୂର୍ବତନ କାଉନସିଲର ବିଭୂତି ଭୂଷଣ ମହାରଣାଙ୍କ ନେତୃତ୍ୱରେ ସାହିବାସିିନ୍ଦା ତହସିଲଦାରଙ୍କୁ ଦେଖାକରି ନିବେଦନ ପତ୍ର ପ୍ରଦାନ କରିଥିଲେ।
Popular Categories
Previous article
Next article