ପାତ୍ରପୁର: ବ୍ରହ୍ମପୁର ଫରେଷ୍ଟ ଡିଭିଜନ ସାମନ୍ତିଆ ପଲ୍ହି ରେଞ୍ଜ ସୁରଙ୍ଗି ଖରିଆଗୁଡ଼ା ରାସ୍ତାର ନୀଳାଦ୍ରିଚନ୍ଦ୍ରପୁର ପାଖ କେନ୍ଦୁ ଢେପରେ ମଙ୍ଗଳବାର ସନ୍ଧ୍ୟାରେ ଏକ ବାଘ ଦେଖିବାକୁ ମିଳିଛି। ଦକ୍ଷିଣ ପଟ ପଙ୍କାଳ ଜଙ୍ଗଲ ପଟୁ ରାସ୍ତା ପାର କରୁଥିବା ବେଳେ ଜଣେ ବାଇକ ଆରୋହୀ ବାଘ ହାବୁଡ଼ରେ ପଡ଼ିଯାଇଥିଲେ। ରାସ୍ତାରେ ଯାଉଥିବା ନୀଳାଦ୍ରିଚନ୍ଦ୍ରପୁର ଗ୍ରାମର ପ୍ରଫୁଲ୍ଲ କୁମାର ସାହୁ ବାଘ ସହିତ ସାମ୍ନାସାମ୍ନି ହୋଇଥିଲେ। ତେବେ ପ୍ରାଣ ବିକଳରେ ସେ ବାଇକକୁ ଦ୍ରୁତଗତିରେ ନେଇ ଆଗକୁ ଚାଲିଯାଇ ପାଟି କରିଥିଲେ। ଏହା ପରେ ଖାରିଆ ଗୁଡା ଫାଣ୍ଡି ଅଧିକାରୀଙ୍କୁ ଖବର ଦେବା ପରେ ସେ ଜଙ୍ଗଲ ବିଭାଗକୁ ଏସଂପର୍କରେ ଜଣାଇବା ପାଇଁ କହିଥିଲେ। ଏ ସମ୍ପର୍କରେ ସାମନ୍ତିଆପଲ୍ହି ଏସିଏଫ ମନୋଜ କୁମାର ପାତ୍ରଙ୍କୁ ପଚାରିବାରେ ସେ କହିଥିଲେ, ଖବର ଶୁଣିବା ପରେ କର୍ମଚାରୀଙ୍କୁ ଅନୁସନ୍ଧାନ ନିମନ୍ତେ ପଠାଇ ଦିଆଯାଇଛି। ତେବେ ଅଞ୍ଚଳରେ ବାଘର ପାଦ ଚିହ୍ନ ସହିତ କୌଣସି ଜନ୍ତୁଙ୍କୁ ଆକ୍ରମଣ ନେଇ ସ୍ପଷ୍ଟ ଭାବେ ଜଣାପଡ଼ିବା ପରେ ପ୍ରକୃତରେ ବାଘ କିମ୍ବା ଅନ୍ୟ ଜନ୍ତୁ ତାହା ଜଣା ପଡ଼ିବ ବୋଲି ସେ କହିଛନ୍ତି। ଏହା ସହିତ କେହି ଆତଙ୍କିତ ନ ହେବାକୁ ପରାମର୍ଶ ଦେଇଛନ୍ତି।
Popular Categories
Previous article
Next article