ମାଲକାନଗିରି: ମାଲକାନଗିରି ସଦର ମହକୁମାସ୍ଥିତ ଦଣ୍ଡକାରଣ୍ୟ ଖେଳପଡ଼ିଆ ନିକଟସ୍ଥ ସର୍ବ ପୁରାତନ ସାର୍ବଜନୀନ ଦୁର୍ଗା ମନ୍ଦିର ପାଇଁ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସହାୟତା ପାଣ୍ଠିରୁ ମନ୍ଦିର ଉନ୍ନତିକରଣ ପାଇଁ ୧୦ ଲକ୍ଷ ଟଙ୍କାର ଅନୁଦାନ ମଞ୍ଜୁର ହୋଇଛି। ମାଲକାନଗିରି ଗୋଷ୍ଠି ଉନ୍ନୟନ ଅଧିକାରୀ ପ୍ରଭାତୀ ଝୋଡ଼ିଆ ଏବଂ ମାଲକାନଗିରି ଜିଲା ଜନପ୍ରିୟ ନେତା ତଥା ପୂର୍ବତନ ବିଧାୟକ ମାନସ ମାଡକାମୀ ଏହି ଦୁର୍ଗା ମନ୍ଦିର ପରିସର ସ୍ଥିତି ଅନୁଧ୍ୟାନ କରିବା ସହ ଦୁର୍ଗା ମନ୍ଦିର କମିଟି ସହ ବିଶେଷ ଆଲୋଚନା କରିଥିଲେ। ଏଥିରେ ବିଡ଼ିଓ ସୁଶ୍ରୀ ଝଡିଆ କାର୍ଯ୍ୟ ଦାୟିତ୍ୱରେ ଥିବା ଯନ୍ତ୍ରୀଙ୍କୁ ଯଥାଶୀଘ୍ର ମନ୍ଦିର କାର୍ଯ୍ୟ ଆରମ୍ଭ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ଦୁର୍ଗା ମନ୍ଦିର ପରିଚାଳନା କମିଟି ସମ୍ପୂର୍ଣ୍ଣ ଭାବେ କାର୍ଯ୍ୟରେ ସହଯୋଗ କରିବା ପାଇଁ ମତ ପ୍ରକାଶ କରିଛନ୍ତି। ଏହି ଅବସରରେ ଜିଲା ବିଜେଡି ଉପସଭାପତି ଗଣେଶ ମଣ୍ଡଳ, ସାର୍ବଜନୀନ ଦୁର୍ଗା ମନ୍ଦିର କମିଟି ସଭାପତି ରାମା ରାଓ, ସମ୍ପାଦକ ମନୋଜ କୁମାର ସାହା, ତପନ ନାଥ,ସଞ୍ଜୟ ସରକାର, କେ. ରାହୁଲଙ୍କ ସହ କମିଟିର ଅନ୍ୟାନ୍ୟ ସଦସ୍ୟ ଉପସ୍ଥିତ ଥିଲେ।
Popular Categories
Previous article
Next article