ନୂଆଦିଲ୍ଲୀ – ଡିସେମ୍ବର ମାସରୁ ସିମ୍ କାର୍ଡ ପାଇଁ ନୂଆ ନିୟମ ଲାଗୁ ହେବା ପାଇଁ ଯାଉଛି । ସିମ୍ କାର୍ଡରେ ଅଧିକ ସୁରକ୍ଷା ଏବଂ ଅନ୍ ଲାଇନ୍ ଠକେଇକୁ ରୋକିବା ପାଇଁ ସରକାରଙ୍କ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି । ଅଗଷ୍ଟ ଏକ ତାରିଖ ଦିନ ଏନେଇ ଡଟ୍ ବା ଟେଲିକମ୍ ବିଭାଗ ପକ୍ଷରୁ ମାର୍ଗଦର୍ଶିକା ଜାରି ହୋଇଥିଲା ।
ଟେଲିକମ୍ ଅପରେଟର ମାନେ ସେମାନଙ୍କ ଫ୍ରାଞ୍ଚାଇଜ୍ମାନଙ୍କର ସମସ୍ତ ତଥ୍ୟ ରଖିବେ । ଏହା ସହ ସେମାନଙ୍କର ପଞ୍ଜୀକରଣ କରାଯିବ । ବେଆଇନ୍ ଭାବେ ସିମ୍ କାର୍ଡ ବିକ୍ରୀକୁ ରୋକିବା ପାଇଁ ଏହି ପଦକ୍ଷେପ ଗ୍ରହଣ କରାଯିବ ।
ପିଓଏସ୍ ମେସିନ୍ମାନଙ୍କୁ ଦିଆଯାଉଥିବା ସିମ୍ କାର୍ଡର ମଧ୍ୟ ସମସ୍ତ ତଥ୍ୟ ରହିବ । ଏହା କୌଣସି ବେଆଇନ୍ କାର୍ଯ୍ୟପାଇଁ ଉପଯୋଗ କରାଯାଉଛି କି ନାହିଁ ତାହାର ତଥ୍ୟ ରଖାଯିବ । ଯେଉଁ ପିଓଏସ୍ ମେସିନ୍ ସବୁ ଆଗରୁ ବଜାରରେ ଉପଲବ୍ଧ ଅଛି ଆସନ୍ତା ୧୨ ମାସ ମଧ୍ୟରେ ପଞ୍ଜିକରଣ କାର୍ଯ୍ୟକୁ ସମ୍ପୂର୍ଣ୍ଣ କରିବେ ।
ଏହା ସହ ବିଭିନ୍ନ ଲୋକଙ୍କ ଆଧାର କାର୍ଡକୁ ଅନ୍ୟ ଲୋକମାନେ ଜେରକ୍ସ କି ସାଇବର୍ କେଫ୍ ଏବଂ ଇଣ୍ଟରନେଟ୍ ପାର୍ଲରୁ ହାତେଇ ଏହାକୁ ସିମ୍ କାର୍ଡ ନେବା ତଥା ଅନ୍ୟ ବେଆଇନ କାର୍ଯ୍ୟରେ ଲଗାଇଥାଆନ୍ତି । ଏହାକୁ ରୋକିବା ପାଇଁ ଆଧାରକାର୍ଡର କ୍ୟୁଆର୍ କୋଡ୍କୁ ସ୍କାନ୍ କରିବା ବାଧ୍ୟତାମୂଳକ କରାଯାଇଛି । ଡିସେମ୍ବର ୧ ତାରିଖରୁ ଇ କେଓ୍ୱାଇସ୍କୁ ବାଧ୍ୟତାମୂଳକ କରାଯାଇଛି । ବିଭିନ୍ନ କମ୍ପାନୀମାନଙ୍କୁ ଦିଆଯାଉଥିବା ବ୍ଲକ୍ କନେକସନ୍ ବା ସଂଖ୍ୟାଧିକ କନେକସନ୍ ବନ୍ଦ କରାଯାଇଛି । ଏହାକୁ ଉଲ୍ଲଘଂନ କଲେ ୧୦ ଲକ୍ଷ ଟଙ୍କାର ଜୋରିମାନା ପ୍ରବଧାନ କରାଯାଇଛି ।
