ମାଲକାନଗିରି – ମାଲକାନଗିରି ଜିଲ୍ଲା ବଙ୍ଗାଳୀ ସମାଜର ସଦର ୟୁନିଟ ଆନୁକୁଲ୍ୟରେ, ସ୍ଥାନୀୟ ସଂସ୍କୃତି ଭବନ ଠାରେ ମହା ଆଡ଼ମ୍ବର, ଉତ୍ସାହ ଓ ଉଦ୍ଦୀପନା ର ସହିତ ବଙ୍ଗଳା ଶୁଭ ନବବର୍ଷ ୧୪୩୦ ପାଳିତ ହୋଇଯାଇଛି।
ଏହି ଅବସରରେ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟ ପୋଖରୀରୁ ଗଙ୍ଗା ବରଣ କାର୍ଯ୍ୟକ୍ରମ କରାଯାଇଥିଲା । ପ୍ରଭାତ ଫେରି ଓ ସଂକୀର୍ତ୍ତନ ମାଧ୍ୟମରେ, ସମସ୍ତ କର୍ମକର୍ତ୍ତା ଓ ବଙ୍ଗଭାଷୀ ସଦସ୍ୟ ମାନେ ଏକ ଶୋଭା ଯାତ୍ରାରେ ସଂସ୍କୃତି ଭବନ କୁ ଯାଇ, ମଙ୍ଗଳ କଳସ ସ୍ଥାପନ କରିଥିଲେ ଓ ପୂଜାର୍ଚ୍ଚନା ସହିତ ଅନ୍ୟାନ୍ୟ କାର୍ଯ୍ୟକ୍ରମ ଆରମ୍ଭ କରାଯାଇଥିଲା।
- Advertisement -
ଏଥି ସହିତ ବଙ୍ଗଳା ଓ ଓଡ଼ିଆ ନବବର୍ଷ ବିଷୟରେ ମଧ୍ୟ ଆଲୋଚନା କରାଯାଇଥିଲା। ସମସ୍ତ କର୍ମକର୍ତ୍ତା ଓ ସଦସ୍ୟ ମାନେ ବଙ୍ଗଳା ଭାଷାଭାଷୀ ଲୋକଙ୍କୁ ମାତୃଭାଷା ବଙ୍ଗଳା ସହିତ, ଓଡ଼ିଆ ଭାଷାର ଉନ୍ନତି ନିମନ୍ତେ ସମସ୍ତ ପ୍ରକାର ଉଦ୍ୟମ କରିବା ପାଇଁ ପରାମର୍ଶ ଦେଇଥିଲେ ।
