ଅହମ୍ମଦାବାଦ- ଗୁଜୁରାଟରେ ଜଣେ ମହିଳାଙ୍କ ପେଟରୁ ୪୭ କିଲୋଗ୍ରାମ ଓଜନର ଟ୍ୟୁମର ବା ଅବୁର୍ଦକୁ ସଫଳ ଭାବେ ଅସ୍ତ୍ରୋପଚାର କରାଯାଇଛି । ଡକ୍ତରମାନେ ଏହାର ସପଳ ଅସ୍ତ୍ରୋପଚାର କରିଛନ୍ତି । ଏହା ନନ୍ ଓଭାରିଆନ୍ ବା ଗର୍ଭାଶୟ ବାହାରେ ହୋଇଥିବା ଟ୍ୟୁମର ବୋଲି ଡାକ୍ତରମାନେ ସୂଚନା ଦେଇଛନ୍ତି ।
ଗତ ୧୮ ବର୍ଷ ଧରି ଏହ ମହିଳାଙ୍କ ପେଟର ଏକ ଅଂଶ ଫୁଲିବାରେ ଲାଗିଥିଲା । ସେ ଡାକ୍ତରୀ ଦୋକାନରୁ ଔଷଦ ପଚାରି ଖାଇବା ସହ ଏହାକୁ ଅଣଦେଖା କରିଥିଲେ । ଧୀରେ ଏହା ବଢିବା ପାଇଁ ଲାଗିଥିଲା । ପରେ ଡାକ୍ତରମାନେ ବିଭିନ୍ନ ପରୀକ୍ଷା କରି ତାଙ୍କ ପେଟରେ ଟ୍ୟୁମର ହୋଇଥିବା କଥା କହିଥିଲେ । ପରେ ତାଙ୍କର ଅସ୍ତ୍ରୋପଚାର କରି ୪୭ କିଲୋ ଓଜନର ଟ୍ୟୁମର କାଢି ଥିଲା। ମହିଳାଙ୍କୁ ଏବେ ୫୬ ବର୍ଷ ଅସ୍ତ୍ରୋପଚାର ପରେ ସେ ସୁସ୍ଥ ଅଛନ୍ତି ।
୧୮ ବର୍ଷ ପୂର୍ବରୁ ତାଙ୍କର ଓଜନ ବୃଦ୍ଧି ପାଇବା ସହ ପେଟ ବି ବଢିଥିଲା । ପ୍ରଥମେ ସେ ଏହାକୁ ଅଣଦେଖା କରିଥିଲେ । ପରେ ପେଟ ଅତ୍ୟଧିକ ଫୁଲି ଯିବାରୁ ସେ ଡାକ୍ତରଙ୍କୁ ଦେଖାଇଥିଲେ । ଗତ ଦୁଇ ବର୍ଷ ତଳେ ତାଙ୍କର ଏକ ଅସ୍ତ୍ରୋପଚାର କରାଯାଇଥିଲା । ଏହାପରେ ଟ୍ୟୁମର ପୁଣି ବଢିବାକୁ ଲାଗିଥିଲା। ପରେ ପୁଣି ଏକ ଅସ୍ତ୍ରୋପଚାର କରାଯାଇ ୪୭ କିଲୋଗ୍ରାମର ଟ୍ୟୁରକୁ ଡାକ୍ତରମାନେ କାଢି ଦେଇଛନ୍ତି ।
ଅସ୍ତ୍ରୋପଚାର ପରେ ମହିଳା ଭଲ ଅଛନ୍ତି । ତାଙ୍କୁ ସୋମବାରରେ ଘରକୁ ଯିବା ପାଇଁ ଅନୁମତି ଦିଆଯାଇଛି।
