ମୁମ୍ବଇ : ମହାରାଷ୍ଟ୍ରର ବନ୍ୟା ପ୍ରପୀଡ଼ିତଙ୍କ ପାଇଁ ମୁଖ୍ୟମନ୍ତ୍ରୀ ଦେବେନ୍ଦ୍ର ପଡ଼ନାଭୀସ ଏବଂ ରାଜ୍ୟର କ୍ୟାବିନେଟ ମନ୍ତ୍ରୀମାନେ ମାସକର ଦରମା ଦାନ କରିବେ। ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଏହି ସୂଚନା ମିଳିଛି। ସୂଚନା ଅନୁସାରେ ସବୁ ମନ୍ତ୍ରୀ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରେ ମାସକର ଦରମା ଜମା କରିବେ।
ପଶ୍ଚିମ ମହାରାଷ୍ଟ୍ରର କୋହ୍ଲାପୁର ଓ ସଂଗଲୀରେ ବନ୍ୟା ପାଣି ଧୀରେ ଧୀରେ ହ୍ରାସ ପାଉଛି। ଏହି ଦୁଇ ଜିଲାରେ ବନ୍ୟା ପ୍ରଭାବିତଙ୍କ ପାଇଁ ପ୍ରଶାସନ ଆବଶ୍ୟକ ରିଲିଫ ସାମଗ୍ରୀ ଯୋଗାଇଦେବାର ବ୍ୟବସ୍ଥା କରିଛି। ଉଭୟ ଜିଲାରେ ଉଦ୍ଧାର କାର୍ଯ୍ୟ ଶେଷ ହୋଇଛି। ଏହାସହ ଆର୍ଥିକ ସହାୟତା ପ୍ରଦାନ ପାଇଁ କ୍ଷୟକ୍ଷତିର ଆକଳନ ଆରମ୍ଭ ହୋଇଛି। କୋହ୍ଲାପୁର ଉପଜିଲାପାଳ ସଂଜୟ ଶିନ୍ଦେ କହିଛନ୍ତି ଯେ ମୁମ୍ବଇ-ବେଙ୍ଗାଲୁରୁ ଏନଏଚ-୪ ବନ୍ୟା ଯୋଗୁଁ ସପ୍ତାହେ ଧରି ବନ୍ଦ ରହିଥିଲା। ଏବେ ବନ୍ୟା ପାଣି ହ୍ରାସ ସହ ରାଜମାର୍ଗ ଆଶିଂକ ଭାବେ ଯାତାୟତ ପାଇଁ ଖୋଲାଯାଇଛି। ପ୍ରବଳ ବର୍ଷା ଓ ବନ୍ୟାରେ କୋଙ୍କଣ ଏବଂ ପଶ୍ଚିମ ଭାଗର କୋହ୍ଲାପୁର ଏବଂ ସଂଗଲୀ ଜିଲା ସର୍ବାଧିକ ପ୍ରଭାବିତ ହୋଇଛନ୍ତି। ଉଭୟ ଜିଲାରେ ବର୍ଷା ଓ ବନ୍ୟା ବିତ୍ପାତରେ ୪୩ ଜଣଙ୍କ ମୃତ୍ୟୁ ଘଟିଛି। ଲୋକଙ୍କ ପାଇଁ ପେଟ୍ରୋଲ ଓ ଡିଜେଲ ସହ ଗ୍ୟାସ ବ୍ୟବସ୍ଥା କରାଯାଇଛି। ବିଦ୍ୟୁତ୍ ଏବଂ ଫୋନ୍ ସଂଯୋଗ ଚାଲୁ କରିବାକୁ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ ଚାଲିଛି।
Comments are closed.