ଗୁରୁଡିଝାଟିଆ : ଗୁରୁଡିଝାଟିଆ-କୋତର ମା ବାସନ୍ତୀ ଦୁର୍ଗା କଳାପରିଷଦର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ଥାନା ଅଧିକାରୀ ରଞ୍ଜନ ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦେଇ ସାଂସ୍କୃତିକ କାର୍ଯ୍ୟକ୍ରମକୁ ଉଦଘାଟନ କରିବା ସହ ସ୍ଥାନୀୟ ଅଞ୍ଚଳର ପ୍ରତିଭାମାନଙ୍କ ଲୁକାୟିତ କଳା ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ପ୍ରସ୍ପୁଟିତ ହୋଇଥାଏ । ଏହା ସେମାନଙ୍କୁ ଆତ୍ମତୃପ୍ତି ଦେବା ସହ ମନ ଭିତରେ ରୋମାଞ୍ଚ ସୃଷ୍ଟିକରିଥାଏ ବୋଲି କହିଥିଲେ । ମା ବାସନ୍ତୀଦୁର୍ଗା ପୂଜା କମିଟିର ସଭାପତି ବସନ୍ତ କୁମାର ସାହାଣୀ, ସଂପାଦକ ଅମରେନ୍ଦ୍ର ଧଳ, ସ୍ଥାନୀୟ ସରପଞ୍ଚ ପ୍ରତିନିଧି ସନାତନ ଦଳାଇ,ସାମ୍ବାଦିକ ଶ୍ୱେତକାନ୍ତ ବେହେରା ସାମ୍ବାଦିକ ନୀଳକଣ୍ଠ ଦୋରା, ନୃସିଂହ ଚରଣ ରାଉତ, ମନୋଜ ସାହୁ, ପବିତ୍ର ମୋହନ ସାହାଣୀ, ହୃଦାନନ୍ଦ ସାହାଣୀ ପ୍ରମୁଖ ଅତିଥି ଭାବରେ ଯୋଗଦେଇଥିଲେ । ରଶ୍ମୀରଞ୍ଜନ ସାହାଣୀଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମା ବାସନ୍ତୀଦୁର୍ଗା କଳାପରିଷଦର ମୁଖ୍ୟ ପରିଚାଳକ ସର୍ବଜିତ ରାଉତ, ସହ ପରିଚଳାକ ମନମମୋହନ ପାଳ, ସୂର୍ଯ୍ୟକୁମାର ମାଝି, ଚନ୍ଦନ କୁମାର ସାହୁ, ମାନସ ପଣ୍ଡା, ସମ୍ବିଦ ଦଳାଇ, ଜ୍ଞାନ ରଞ୍ଜନ ସାହାଣୀ ପ୍ରମୁଖ କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ। ପ୍ରତାପ କୁମାର ଧଳ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ। କଳାପରିଷଦ ଦ୍ୱାରା ଅନୁଷ୍ଠିତ ନାଟକକୁ ବସନ୍ତ କୁମାର ସ୍ୱାଇଁ ଓ ସୁବାସ କୁମାର ନାୟକ ନିର୍ଦ୍ଦେଶନା ଦେଇଥିଲେ।
Comments are closed.