ଭୋପାଳ : ମଧ୍ୟପ୍ରଦେଶର ଭୋପାଳଠାରେ ଉନ୍ମତ୍ତ ଯୁବକଙ୍କ କବଳରୁ କୌଶଳକରି ଖସିଆସିବାରେ ସକ୍ଷମ ହୋଇଥିବା ଜଣେ ଇଞ୍ଜିନିୟରିଂ ଡିଗ୍ରୀଧାରୀ ମଡେଲ୍ ଶନିବାର ନିଜର ସ୍ୱର ବଦଳାଇଛନ୍ତି। ତାଙ୍କୁ ଅପହରଣ କରି ଦୀର୍ଘ ୧୨ ଘଣ୍ଟା ପର୍ଯ୍ୟନ୍ତ ବନ୍ଧକ ରଖିଥିବା ରୋହିତ ସିଂହ ନାମକ ଉକ୍ତ ଯୁବକକୁ ଫାଶୀ ଦେବାକୁ ସେ ଦାବି ଉଠାଇଛନ୍ତି। ବନ୍ଧକ ଥିବା ସମୟର କଥା ମନେପକାଇ ମଡେଲ ଜଣକ କହିଛନ୍ତି, ଉକ୍ତ ୧୨ ଘଣ୍ଟା ତାଙ୍କ ପାଇଁ ଅତି ଭୟଙ୍କର ଥିଲା। ରୋହିତ ତାଙ୍କୁ ଯେକୌଣସି ମୁହୂର୍ତ୍ତରେ ହତ୍ୟା କରିବାର ଆଶଙ୍କା ରହିଥିଲା। ମାତ୍ର ଜୀବନ ରକ୍ଷା ଲାଗି ତାକୁ ବିବାହ କରିବାକୁ ମିଛ ଆଶ୍ୱାସନା ଦେବାକୁ ସେ ବାଧ୍ୟ ହୋଇଥିଲେ। ଉତ୍ତର ପ୍ରଦେଶର ଆଲିଗଡ଼ ନିବାସୀ ରୋହିତ ମୁମ୍ବଇରେ ଜଣେ ସହଯୋଗୀ କାଷ୍ଟିଂ ନିର୍ଦେଶକ ଭାବେ କାର୍ଯ୍ୟ କରେ। ଫେସ୍ବୁକ୍ରେ ମିଥ୍ୟା ଆକାଉଣ୍ଟ ଖୋଲି ସେ ଏହି ମଡେଲ୍ଙ୍କ ସହିତ ବନ୍ଧୁତ୍ୱ ସ୍ଥାପନ କରିଥିଲା। ଶୁକ୍ରବାର ସେ ମଡେଲଙ୍କ ଶୟନ କକ୍ଷରେ ପଶି ତାଙ୍କୁ ବନ୍ଧକ କରିରଖିଥିଲା। ପୁଲିସ ମଡେଲ୍ଙ୍କୁ ଉଦ୍ଧାର ଲାଗି ପ୍ରୟାସ କରିଥିଲେ ମଧ୍ୟ ରୋହିତ ନିକଟରେ ଅସ୍ତ୍ର ଥିବାରୁ ତାହା ସମ୍ଭବ ହୋଇ ନ ଥିଲା। ଶେଷରେ ବିବାହ ଆଶ୍ୱାସନା ଦେଇ ସେ ରୋହିତ୍ କବଳରୁ ମୁକ୍ତ ହୋଇଥିଲେ।
Popular Categories
Previous article
Next article