ପାଟନା : ବିହାରର ଅଉରାଦ ତାଲୁକା ଅନ୍ତର୍ଗତ ମୁର୍କିଠାରେ ପିଲାଚୋରି ସନ୍ଦେହରେ ଜଣେ ବ୍ୟକ୍ତିଙ୍କୁ ପିଟି ପିଟି ହତ୍ୟା କରାଯାଇଛି। ଏହି ଘଟଣାରେ ଅନ୍ୟ ଦୁଇ ଜଣ ଆହତ ହୋଇଛନ୍ତି। ଶୁକ୍ରବାର ମହମ୍ମଦ ଆଜମ, ତଲା ଇସ୍ମାଇଲ୍ ଏବଂ ମହମ୍ମଦ ସଲମାନ ନାମକ ହାଇଦ୍ରାବାଦର ତିନି ଜଣ ବ୍ୟକ୍ତି ସେମାନଙ୍କ ବନ୍ଧୁ ମହମ୍ମଦ ବସିରଙ୍କ ସହିତ ଅଉରାଦ ତାଲୁକାକୁ ଆସିଥିଲେ। ହାଇଦ୍ରାବାଦ ସ୍ଥିତ ଏକ କମ୍ପାନୀରେ କାର୍ଯ୍ୟ କରୁଥିବା ବସିର ତାଙ୍କ ଏହି ତିନି ସହଯୋଗୀଙ୍କୁ ନିଜ ଗ୍ରାମରକୁ ଆମନ୍ତ୍ରଣ କରିଥିଲେ। ହାଣ୍ଡିକେରା ବୁଲିବାକୁ ଯିବା ବାଟରେ ସେମାନେ ବାଳକୁଟ ତାଣ୍ଡା ନିକଟରେ ଅଟକିଥିଲେ। ଇସ୍ମାଇଲ ଦୁବାଇରୁ ଆଣିଥିବା ଚକୋଲେଟ୍ ସେଠାରେ ଉପସ୍ଥିତ କିଛି ସ୍କୁଲ ପିଲାଙ୍କୁ ଦେଇଥିଲେ। ଏହା ଦେଖି ସ୍ଥାନୀୟ ଲୋକେ ସେମାନଙ୍କୁ ପିଲା ଚୋର ଭାବି ନିସ୍ତୁକ ପିଟିଥିଲେ। ବସିର, ଇସ୍ମାଇଲ ଓ ସଲମାନ କାର୍ ଯୋଗେ ଖସି ପଳାଇ ଆସିବାରେ ସକ୍ଷମ ହୋଇଥିବା ବେଳେ ଗ୍ରାମବାସୀଙ୍କ ମାଡ଼ରେ ଆଜମଙ୍କ ମୃତ୍ୟୁ ଘଟିଛି।
