ମୁମ୍ବଇ : କାର୍ତ୍ତିକ ଆର୍ଯ୍ୟନ୍ ଓ କୃତି ସାନୋନଙ୍କ ଅଭିନୀତ ଚଳଚ୍ଚିତ୍ର ‘ଲୁକାଛୁପି’ର ଟ୍ରେଲର ଗୁରୁବାର ରିଲିଜ୍ ହୋଇଛି। ୨ମିନିଟ୍ ୪୮ସେକେଣ୍ଡର ଏହି ଭିଡିଓରେ ଏକ ମନୋରଞ୍ଜନକାରୀ ଫ୍ୟାମିଲି ଡ୍ରାମା ଦେଖିବାକୁ ମିଳିଛି। କାର୍ତ୍ତିକ ଓ କୃତିଙ୍କ ବ୍ୟତୀତ ଚଳଚ୍ଚିତ୍ରରେ ପଙ୍କଜ ତ୍ରିପାଠୀ, ବିନୟ ପାଠକ ଓ ଅପାରଶକ୍ତି ଖୁରାନା ପ୍ରମୁଖଙ୍କୁ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିଛି। ଲକ୍ଷ୍ମଣ ଉତେକରଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ମାର୍ଚ୍ଚ ୧ ତାରିଖରେ ମୁକ୍ତିଲାଭ କରିବ।
