ନୂଆଦିଲ୍ଲୀ : ଏଲଜି ଭାରତରେ ପ୍ରଥମ ଥର କୃତ୍ରିମ ବୁଦ୍ଧିମତା ବିଶିଷ୍ଟ ଏକ ସ୍ମାର୍ଟ ଟିଭିର ସିରିଜ୍ ଲଞ୍ଚ୍ କରିଦେଇଛି । ଏଥିରେ ବିଶ୍ବର ସବୁଠୁ ବଡ ଓଏଲଇଡି ସ୍ମାର୍ଟ ଟିଭି ଏଲଜି ଓଏଲଇଡି୯୭ଜି୪ ମଧ୍ୟ ସାମିଲ । ଏହା ୯୭ ଇଞ୍ଚର ବିଶାଳ ୪କେ ସ୍ମାର୍ଟ ଟିଭି । ଏହି ଟିଭି ଏଲଜିର ପ୍ରୋସେସର ସହ ଓ୍ବେବଓଏସରେ ଚାଲିଥାଏ । ଆସନ୍ତୁ ଜାଣିବା ଏହାର ଫିଚର୍ସ ସମ୍ପର୍କରେ…
ଏଲଜିର ଏହି ନୂଆ ରେଞ୍ଜରେ ୪୨ ଇଞ୍ଚଠୁ ଆରମ୍ଭ କରି ୯୭ ଇଞ୍ଚ ପର୍ଯ୍ୟନ୍ତ ସ୍ମାର୍ଟ ଟିଭି ସାମିଲ । ଏହି ଟିଭି ୪କେ ରିଜୋଲ୍ୟୁସନ, ଏଚଡିଏମଆଇ ୨.୧ ପୋର୍ଟ, ୧୪୪ ହର୍ଜ ରିଫ୍ରେଶ୍ ରେଟ୍ ଭଳି ଫିଚର୍ସ ସହିତ ଆସୁଛି । ଆପଣ ଏହାକୁ ଗେମିଂ ମନିଟର ରୂପେ ମଧ୍ୟ ବ୍ୟବହାର କରିପାରିବେ । ଏଥିରେ ଏଲଜି କଲରକୁ ଉତ୍ତମ କରିବା ପାଇଁ କୃତ୍ରିମ ବୁଦ୍ଧିମତା ବ୍ୟବହାର ହୋଇଛି ।
ଏଲଜିର ନୂଆ ଏଆଇ ଟିଭି ରେଞ୍ଜର ଆରମ୍ଭ ୪୩ ଇଞ୍ଚ ବିଶିଷ୍ଟ ମଡେଲରୁ ଆରମ୍ଭ ହୋଇଥାଏ ଯାହାର ଦାମ୍ ୬୨,୯୯୦ ଟଙ୍କା । ସେହିଭଳି ୬୫ ଇଞ୍ଚ ବିଶିଷ୍ଟ ମଡେଲର ଦାମ୍ ୧,୮୯,୯୯୦ ଟଙ୍କା । ୪୨ ଇଞ୍ଚ ବିଶିଷ୍ଟ ଓଏଲଇଡି ମଡେଲର ଦାମ୍ ୧,୧୯,୯୯୦ ଟଙ୍କା ଏବଂ ୫୫ ଇଞ୍ଚ ବିଶିଷ୍ଟ ଏଲଜି ଓଏଲଇଡି ଇଭୋ ଜି୪ ଏଆଇର ଦାମ୍ ୨,୩୯,୯୯୦ ଟଙ୍କା । ଏହା ବ୍ୟତୀତ ଏଲଜିର ଫ୍ଲାଗସିପ୍ ଏଲଜି ଓଏଲଇଡି ୯୭ଜି୪ର ଦାମ୍ ୨୦ ଲକ୍ଷ ୪୯ ହଜାର ୯୯୦ ଟଙ୍କା ରଖିଛି କମ୍ପାନୀ ।
Comments are closed.