ଛତିଶଗଡ : ୩୦ ଫୁଟ ତଳ ଖାଇକୁ ପିକଅପ୍ ଖସି ୧୭ ଜଣଙ୍କ ଜୀବନ ଚାଲି ଯାଇଛି। କବୀରଧାମ ଜିଲାର ପଣ୍ଡରିଆ ବ୍ଲକ ଅନ୍ତର୍ଗତ କୁକଦୁର ପୁଲିସ ଷ୍ଟେସନ ନିକଟରେ ଗ୍ରାମ ଭାପାଣି ଅଞ୍ଚଳରେ ସୋମବାର ମଧ୍ୟାହ୍ନ ପ୍ରାୟ ୧୨ଟାରେ ପିକଅପ୍ ଭ୍ୟାନ ଦୁର୍ଘଟଣାଗ୍ରସ୍ତ ହୋଇ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ସମସ୍ତ ମୃତାହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଏଥିରେ ୮ ଜଣ ଆହତ ହୋଇଛନ୍ତି। ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।
ପିକଅପ୍ ରେ ପ୍ରାୟ ୨୫ରୁ ଅଧିକ ଲୋକେ ଯାତ୍ରା କରୁଥିଲେ। ଥାନା ପକ୍ଷରୁ ମିଳିଥିବା ସୂଚନାନୁଯାୟୀ, ପିକଅପରେ ଥିବା ଲୋକେ କେନ୍ଦୁପତ୍ର ତୋଳିବାକୁ ଯାଇଥିଲେ। ପୁଲିସ ଘଟଣାର ତଦନ୍ତ ଜାରି ରଖିଛି।
ଦେଖନ୍ତୁ ଭିଡିଓ : ଏମିତି ବି ବଦଳେ ସମୟ, ୩ ବିଲେଇକୁ ଭୁଆଁ ବୁଲାଇଲା ଗୋଟିଏ ମୂଷା..
Comments are closed.