ମହିଳାମାନଙ୍କ ପାଇଁ ବ୍ଲକସ୍ତରୀୟ ଆଇନ ସଚେତନତା କାର୍ଯ୍ୟକ୍ରମ 

ପାଟଣା : ଓଡିଶା ରାଜ୍ୟ ମହିଳା କମିଶନଙ୍କର ସହାୟତାରେ ଶିଶୁ ବିକାଶ ପ୍ରକଳ୍ପ ପାଟଣା ତରଫରୁ ଏକ ବ୍ଲକସ୍ତରୀୟ ଆଇନ ସଚେତନତା କାର୍ଯ୍ୟକ୍ରମ ଆଞ୍ଚଳିକ ମହାବିଦ୍ୟାଳୟ ପାଟଣା ପରିସରରେ ଅନୁଷ୍ଠିତ ହୋଇଯାଇଛି । ଏହାକୁ ବିଡିଓ ମାନସ କୁମାର ଦଣ୍ଡପାଟ ଆନୁଷ୍ଠାନିକ ଭାବେ ଉଦଘାଟନ କରିଥିବାବେଳେ ପାଟଣା ଥାନାଧିକାରୀ ମାନସ କୁମାର ମହାକୁଳ ଅତିଥି ଭାବେ ଯୋଗ ଦେଇ ଆଇନର ବିଭିନ୍ନ ଦିଗ ଉପରେ ସଚେତନ କରାଇଥିଲେ । ଶିଶୁ ବିକାଶ ପ୍ରକଳ୍ପ ଅଧିକାରୀଣି କଳ୍ପନା ଡୋରା ଅତିଥି ମାନଙ୍କ ପରିଚୟ ଦେବା ସହ କାର୍ଯ୍ୟକ୍ରମ ଉଦ୍ଦେଶ୍ୟ ବିଷୟରେ ଧାରଣା ଦେଇଥିଲେ । ଆଇନଜୀବି ରାହାସ ବିହାରୀ ପୃଷ୍ଟି , ସମ୍ବଳ ବ୍ୟକ୍ତି ଶିବନାଥ ପ୍ରଧାନ ଓ ଶିଶିର କୁମାର ଦାସ ପ୍ରମୁଖ ତାଲିମ ଦାତା ଭାବେ ଯୋଗ ଦେଇ ମହିଳା ଅଧିକାର, ଆଇନ ଏବଂ ସୁରକ୍ଷା ବ୍ୟବସ୍ଥା, ଲିଙ୍ଗଗତ ତାରତମ୍ୟ, ଆର୍ଥିକ ଅନ୍ତର୍ଭୁକ୍ତିକୁ ପ୍ରୋତ୍ସାହିତ କରିବା ପାଇଁ ସରକାରୀ ଯୋଜନା, ଋଣ ଯୋଜନା, ଷ୍ଟାଣ୍ଡଅପ ଇଣ୍ଡିଆ ଯୋଜନା, ସୁଭଦ୍ରା ଯୋଜନା, ଲକ୍ଷପତି ଦିଦି ଯୋଜନା ଉପରେ ଧାରଣା ଦେଇଥିଲେ । ଏଥିରେ ଦୁଇ ଶହରୁ ଉର୍ଦ୍ଧ୍ବ ମହିଳା ଯୋଗଦାନ ଦେଇଥିଲେ। କାର୍ଯ୍ୟକ୍ରମକୁ ଆଇ. ସି. ଡି.ଏସର ସମସ୍ତ କର୍ମକର୍ତ୍ତା ସମେତ ଆସ୍ପାୟାର କର୍ମଚାରୀମାନେ ସହଯୋଗ କରିଥିଲେ ।