ଲାଞ୍ଜିଗଡ: ଲାଞ୍ଜିଗଡ ବ୍ଲକ ଲାଞ୍ଜିଗଡ ଥାନା ଅନ୍ତର୍ଗତ ଲାଞ୍ଜିଗଡ-ମୁନିଗୁଡା ରାସ୍ତାରେ ମଙ୍ଗଳବାର ବାଇକ୍ ଓ ଟାଟା ମ୍ୟାଜିକ୍ ମୁହାଁମୁହିଁ ଧକ୍କା ହୋଇଛି। ଗୁରୁତର ବାଇକରେ ବସିଥିବା ୨ ଯୁବକଙ୍କୁ ଲାଞ୍ଜିଗଡ ଡାକ୍ତରଖାନା ଭର୍ତ୍ତି କରାଯାଇଛି। ଆଜି ଲାଞ୍ଜିଗଡ ବ୍ଳକ ଛତ୍ରପୁର ପଞ୍ଚାୟତ ରଘୁନାଥପୁର ଗ୍ରାମର ରାଜ କୁମାର ସାହୁ (୩୮) ଓ ଡମ୍ବରୁଧର ସାହୁ (୩୦) ଏକ ବାଇକ୍ ଯୋଗେ ଲାଞ୍ଜିଗଡଠାରୁ ମୁନିଗୁଡା ପଟେ ଯାଉଥିଲେ। ଉକ୍ତ ରାସ୍ତାରେ ଲାଞ୍ଜିଗଡ ବିଦେଶୀ ମଦ ଦୋକାନ ନିକଟରେ ମୁନିଗୁଡା ପଟୁ ଆସୁଥିବା ଏକ ଟାଟା ମ୍ୟାଜିକ୍ ଗାଡି ସହ ଧକ୍କା ହୋଇଥିଲା। ଫଳରେ ବାଇକରେ ବସିଥିବା ଦୁଇ ଯୁବକ ଗୁରୁତର ହୋଇଛନ୍ତି।ସ୍ଥାନୀୟ ଲୋକେ ଗୁରୁତରଙ୍କୁ ଆଣି ଲାଞ୍ଜିଗଡ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଲାଞ୍ଜିଗଡ ପୋଲିସ ଘଟଣାସ୍ଥଳରେ ପହଞ୍ଚି ଟାଟା ମ୍ୟାଜିକଟିକୁ ଆଣି ଥାନାରେ ରଖି ଘଟଣାର ତଦନ୍ତ କରୁଥିବା ଜଣାପଡିଛି।
Popular Categories
Previous article
Next article