ଲାଞ୍ଜିଗଡ: କଳାହାଣ୍ଡି ଜିଲା ଲାଞ୍ଜିଗଡ ବ୍ଲକରେ ମଙ୍ଗଳବାର ଚତୁର୍ଥ ପର୍ଯ୍ୟାୟ ମତଦାନ ଅନୁଷ୍ଠିତ ହେବାକୁ ଥିବା ବେଳେ ଏଥିପାଇଁ ଲାଞ୍ଜିଗଡ ବ୍ଲକ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ବ୍ଲକର ୨୬ ଗୋଟି ପଞ୍ଚାୟତରେ ୫୯ହଜାର୭୮୮ ଜଣ ଭୋଟର ରହିଛନ୍ତି। ଏହି ତ୍ରୀସ୍ତରୀୟ ନିର୍ବାଚନରେ ମତଦାନ ପାଇଁ ୩୦୬ ଗୋଟି ମତଦାନ କେନ୍ଦ୍ର ରହିଛି। ଏହି ବ୍ଲକରେ ମୋଟ ୧୮୮ ଜଣ ପ୍ରାର୍ଥୀ ପଞ୍ଚାୟତ ନିର୍ବାଚନରେ ପ୍ରତିଦ୍ୱନ୍ଦିତା କରୁଛନ୍ତି। ଏହି ବ୍ଲକର ୩୦୬ ବୁଥରୁ ୧୫୩ଗୋଟି ବୁଥ ସମ୍ବେଦନଶୀଳ ହୋଇଥିବାବେଳେ ୨୫ଗୋଟି ବୁଥ ଅତି ସମ୍ବେଦନଶୀଳ ଭାବେ ଚିହ୍ନଟ କରାଯାଇଛି। ସୋମବାର ବ୍ଲକର ୨୬ଗୋଟି ପଞ୍ଚାୟତର ୩୦୬ ମତଦାନ କେନ୍ଦ୍ର ପାଇଁ ନିୟୋଜିତ କର୍ମଚାରୀ ପଠାଯାଇଛି। ଏହି ନିୟୋଜିତ କର୍ମଚାରୀଙ୍କୁ ଆବଶ୍ୟକୀୟ ସମସ୍ତ ସାମଗ୍ରୀ ଦିଆଯାଇ ବୁଥମାନଙ୍କୁ ପଠାଯାଇଥିବା ଲାଞ୍ଜିଗଡ ବିଡ଼ିଓ ତଥା ନିର୍ବାଚନ ଅଧିକାରୀ ଜିତେନ୍ଦ୍ର କୁମାର ମିଶ୍ର ସୂଚନା ଦେଇଛନ୍ତି।
Comments are closed.