ଆଜିକାଲି ସମସ୍ତ ବର୍ଗର ଲୋକ ବାସ୍ତୁଶାସ୍ତ୍ର ନିୟମ ଅନୁସାରେ ଘର ନିର୍ମାଣ କରିବାକୁ ଉଚିତ୍ ମନେକରୁଛନ୍ତି। ପରିବାରସଦସ୍ୟଙ୍କ ଉତ୍ତରୋତ୍ତର ଉନ୍ନତିରେ ଏହା ମୁଖ୍ୟ ଭୂମିକା ଗ୍ରହଣ କରିଥାଏ ବୋଲି ଲୋକଙ୍କ ମତ। ଏଣୁ ବାସ୍ତୁବିତ୍ଙ୍କ ପରାମର୍ଶ ଅନୁସାରେ ଘର ନିର୍ମାଣ କରୁଥିବାର ଦେଖାଯାଉଛି। ଘରର ପ୍ରତ୍ୟେକ କୋଣ ଓ କକ୍ଷ ଯେପରି ଖୁବ୍ ମହତ୍ତ୍ବପୂର୍ଣ୍ଣ, ଠିକ୍ ସେଇପରି ଶିଡ଼ି ମଧ୍ୟ ପ୍ରତ୍ୟେକ ଗୃହରେ ମୁଖ୍ୟ ଭୂମିକା ଗ୍ରହଣ କରିଥାଏ।
ବାସ୍ତୁବିତ୍ଙ୍କ ମତରେ ଦକ୍ଷିଣ ଓ ପଶ୍ଚିମ ଦିଗରେ ଶିଡ଼ି ରହିବା ଖୁବ୍ ଶୁଭପ୍ରଦ। ଅନ୍ୟପାଖେ ଉତ୍ତର, ପୂର୍ବ, ଐଶାନ୍ୟ କୋଣରେ ଶିଡ଼ି ରହିବା ଅଶୁଭଫଳ ପ୍ରଦାନ କରେ।
ଘର ମାଲିକ ତଳ ମହଲାରେ ରହୁଥିଲେ ଓ ଶିଡ଼ି ଉତ୍ତର ଦିଗରେ ରହିଥିଲେ ତାହା ବାସ୍ତୁ ଅନୁସାରେ ଶୁଭ ଭାବେ ଗ୍ରହଣ କରାଯାଇଛି।
ପ୍ରତ୍ୟେକ ଶିଡ଼ି ଘଣ୍ଟା ଘୂର୍ଣ୍ଣୟମାନ ଦିଗ ଅନୁସାରେ ନିର୍ମିତ ହୋଇଥିବା ଅତି ଉତ୍ତମ ବୋଲି ପ୍ରକାଶ। ଏହା ସହ ବାସ୍ତୁ ଅନୁସାରେ ଯୁଗ୍ମ ବଦଳରେ ଅଯୁଗ୍ମ ସଂଖ୍ୟାର ଶିଡ଼ି ଘରେ ରହିବା ଖୁବ୍ ଭଲ ଫଳ ପ୍ରଦାନ କରିଥାଏ।
