ଇଞ୍ଚିଅନ୍: କୋରିଆ ଓପନ୍ ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟର ପୁରୁଷ ସିଙ୍ଗଲ୍ସ କ୍ୱାର୍ଟର ଫାଇନାଲରେ ଭାରତର ପାରୁପଲ୍ଲୀ କଶ୍ୟପ ପ୍ରବେଶ କରିଛନ୍ତି । ପ୍ରିକ୍ୱାର୍ଟରରେ କଶ୍ୟପ ମାଲେସିଆର ଡାରେନ୍ ଲିଉଙ୍କୁ ଏକ ସଂଘର୍ଷପୂର୍ଣ୍ଣ ମ୍ୟାଚ୍ରେ ୨୧-୧୭, ୧୧-୨୧, ୨୧-୧୨ ଗେମ୍ରେ ପରାସ୍ତ କରି କ୍ୱାର୍ଟରରେ ପ୍ରବେଶ କରିଥିଲେ। ମ୍ୟାଚ୍ ୫୬ ମିିନିଟ୍ ଧରି ଚାଲିଥିଲା।
ପ୍ରଥମ ଗେମ୍ରେ କଶ୍ୟପ ଓ ଲିଉଙ୍କ ମଧ୍ୟର କଡ଼ା ମୁକାବିଲା ହୋଇଥିଲା। ତେବେ ଶେଷ ବେଳକୁ କଶ୍ୟପ ଭଲ ପ୍ରଦର୍ଶନ କରି ବିଜୟୀ ହେବା ସହ ୧-୦ରେ ଆଗୁଆ ହୋଇପାରିଥିଲେ। ଦ୍ବିତୀୟ ଗେମ୍ରେ ଲିଉ୍ ଚମତ୍କାର ପ୍ରଦର୍ଶନ କରି ବିଜୟୀ ହେବା ସହ ମ୍ୟାଚ୍କୁ ସମାନ ସ୍ତରକୁ ଆଣିଥିଲେ। ତୃତୀୟ ତଥା ନିର୍ଣ୍ଣାୟକ ଗେମ୍ରେ କଶ୍ୟପ ମୂଳରୁ ଆକ୍ରମଣାତ୍ମକ ପ୍ରଦର୍ଶନ କରି ଖେଳିବା ସହ ସହଜ ବିଜୟ ହାସଲ କରି କ୍ବାର୍ଟରରେ ପ୍ରବେଶ କରିଥିଲେ। କ୍ବାର୍ଟରରେ କଶ୍ୟପଙ୍କ ମୁକାବିଲା ୮ମ ସିଡ୍ ଇଣ୍ଡୋନେସିଆର ଆଣ୍ଟୋନି ସିନିସୁକା ଗିନ୍ଟିଙ୍ଗ୍ ଓ ଡେନମାର୍କର ଜାନ୍ ଓ ଜୋର୍ଗେନସନ୍ଙ୍କ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ର ବିଜେତା ସହ ହେବ।
Comments are closed.