କୋରାପୁଟ: ପାଡୁଆ ଥାନା କୁଲାସିଂ ପଞ୍ଚାୟତ ତାନସିଂ ନଦୀରେ ଅଘଟଣ। ନଦୀରେ ଡଙ୍ଗାବୁଡ଼ି ଜଣଙ୍କ ମୃତ୍ୟୁ ହୋଇଥିବାବେଳେ ୪ ଜଣ ନିଖୋଜ ଅଛନ୍ତି। ପାରିବାରିକ କାର୍ଯ୍ୟକ୍ରମରେ ଯୋଗଦେବା ପାଇଁ ନଦୀ ପାର ହୋଇ ଯାଉଥିଲାବେଳେ ନଦୀ ମଝିରେ ଭାରସାମ୍ୟ ହରାଇ ଡଙ୍ଗାଟି ବୁଡ଼ିଯାଇଥିଲା।
ତାନସିଂ ଗାଁର ଲାଲମଣି ସୀସା(୪୦), ଶଶି ରେଖା ଆର୍ଲାବ (୩୫), ଶାନ୍ତି ସୀସା (୭), ନବିନା ଆର୍ଲାବ (୧୪) ଓ ପୁଷ୍ପାଞ୍ଜଳି ଆରଲାବ(୬) ମୋଟ ୫ଜଣ ଦେଶୀ ଡଙ୍ଗା ଚଲାଇ ପାତାଳୀ ପଦୀ ପାର ହୋଇ ବଡେଲା ଗାଁକୁ ଯାଉଥିଲେ। ନଦୀ ମଝିରେ ଡଙ୍ଗାଟି ଦୁର୍ଘଟଣାରେ ସମ୍ମୁଖୀନ ହୋଇଥିଲା। ଆଉ ସମସ୍ତେ ବୁଡ଼ି ଯାଇଥିଲେ। ୫ଜଣଙ୍କ ମଧ୍ୟରୁ ଜଣଙ୍କ ମୃତଦେହ ନଦୀରେ ଭାସୁଥିବା ଅବସ୍ଥାରେ ଠାବ କରାଯାଇଛି। ବର୍ତ୍ତମାନ ସୁଦ୍ଧା ଅନ୍ୟ ୪ଜଣଙ୍କ ପତ୍ତା ମିଳିନି। ଘଟଣାସ୍ଥଳରେ ନନ୍ଦପୁର ଅଗ୍ନିଶମବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି।
Comments are closed.