କଲକତା : କଲକତାର ଦମଦମ ଥାନା ଅନ୍ତର୍ଗତ ଜନଗହଳିପୂର୍ଣ୍ଣ କାଜିପଡା ଅଞ୍ଚଳର ନଗରବଜାରରେ ଥିବା ଫଳ ବଜାରରେ ମଙ୍ଗଳବାର ସକାଳେ ବୋମା ବିସ୍ଫୋରଣ ଘଟିଛି । ଏଥିରେ ଜଣେ ୮ ବର୍ଷ ବୟସ୍କ ବାଳକର ମୃତ୍ୟୁ ଘଟିଛି ଓ ୫ ଜଣ ଆହତ ହୋଇଥିବା ଜଣାପଡିଛି । ଆହତ ମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ମୃତାହତଙ୍କ ସଂପର୍କରେ ସବିଶେଷ ତଥ୍ୟ ଜଣାପଡିନାହିଁ । ବୋମା ନଷ୍କ୍ରିୟକାରୀ ଦଳ ସହିତ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ବିସ୍ପୋରଣର ପ୍ରଚଣ୍ଡ ଶବ୍ଦ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି । ଅନ୍ୟପକ୍ଷରେ ବିସ୍ଫୋରଣର କାରଣ ଜଣାପଡି ନାହିଁ। ମୃତାହତଙ୍କ ସଂଖ୍ୟା ବୃଦ୍ଧି ପାଇବା ନେଇ ମଧ୍ୟ ଆଶଙ୍କା ପ୍ରକାଶ ପାଇଛି।
