ନୂଆଦିଲ୍ଲୀ – ଅନେକ ଲୋକଙ୍କର ଘର ଭିତରେ ବିଭିନ୍ନ ଗଛ ଲଗାଇବାର ସଉକ ହୋଇଥାଏ । ମାତ୍ର ଏବେ ସହରମାନଙ୍କରେ ବାଲକୋନି କିମ୍ବା ଛାତ ଉପର ବ୍ୟତୀତ ଅନ୍ୟ ସ୍ଥାନରେ ଗଛ ଲଗାଇବା କଷ୍ଟକର ବ୍ୟାପାର । କାହଁ କେତେକାଳରୁ ମଣିଷ ଫଳ ଏବଂ ପନିପରିବା ଚାଷ କରି ଆସୁଛି । ଏବେ ଅରଗାନିକ୍ ଖାଦ୍ୟର ଚାହିଦା ବୃଦ୍ଧି ପାଇଛି । ରାଇଜ୍ ହାଇଡ୍ରୋପୋନିକ ବଗିଚାରେ ଆପଣ ଘର ଭିତରେ ଚାଷ କରିପାରିବେ କିମ୍ବା ନିଜ ମନ ପସନ୍ଦର ପନିପରିବା ପାଇପାରିବେ।
ବେଳେ ବେଳେ ବଗିଚା କଲେ ମଧ୍ୟ ଫଳ ଏବଂ ପନିପରିବା ମାଙ୍କଡ, ଠେକୁଆ ବିଭିନ୍ନ ପକ୍ଷୀଙ୍କ କବଳରୁ ନିସ୍ତାର ପାଇ ନଥାଏ । ଅନେକ ପରିଶ୍ରମ ପାଣିରେ ପଡିଥାଏ । ରାଇଜ୍ ହାଇଡ୍ରୋପୋନିକ ବଗିଚା ଆପଣ ଘରେ କରିପାରବେ ଏବଂ ଏହା ନଷ୍ଟର ହେବାର ସମ୍ଭାବନା ମଧ୍ୟ କମ୍ । ରାଇଜ୍ ହାଇଡ୍ରୋପୋନିକ କହିଲେ ଏହା ଜଳୀୟ ବଗିଚା। ଘର ଭିତରେ ଯେଉଁଠାରେ ଅଳ୍ପ ସୂର୍ଯ୍ୟାଲୋକ ପଡୁଥିବ ସେହି ସ୍ଥାନରେ ଏହି କୃଷି କରିହେବ । ଏବେ ଅତ୍ୟାଧୁନିକ ଏବଂ ମୋବାଇଲ୍ ଆପ୍ ମାଧ୍ୟମରେ ଏହାର ବିଭିନ୍ନ ସ୍ଥିତି ଜାଣି ହେବ । ଯେଉଁମାନଙ୍କର ଘର ଭିତରେ ବଗିଚା କରିବା ପାଇଁ ରୁଚି ଥିବା ଏହି ଜଳୀୟ ବଗିଚା କରିପାରିବେ । ଏଥିରେ ଧନିଆ, ଚେରି ଟମାଟୋ, ବିଭିନ୍ନ ପ୍ରକାରର ଶାଗ ଆପଣ ଚାଷ କରିପାରିବେ ।
ଏହି ପନି ପରିବା ମଧ୍ୟ ସ୍ୱାସ୍ଥ୍ୟକର । ଏଥିଯୋଗୁଁ ପରିବେଶ ସୁରକ୍ଷା ସହ ମଣିଷର ମନ ମଧ୍ୟ ଭଲ ରହିପାରିବେ। ବିଭିନ୍ନ ସହରମାନଙ୍କରେ ଯେଉଁଠାରେ ବଗିଚା ପାଇଁ ସ୍ଥାନାଭାବ ଦେଖାଦେଉଛି ସେଠାରେ ଏହି ଜଳୀୟ ବଗିଚାର ଚାହିଦା ବୃଦ୍ଧି ପାଉଛି ।
