ନୂଆଦିଲ୍ଲୀ : ସୋସିଆଲ ମିଡିଆରେ ଅନେକ ସମୟରେ ସାପ ସମ୍ପର୍କିତ ଅନେକ ଭିଡିଓ ଭାଇରାଲ ହୋଇଥାଏ । ଏଥିରୁ ଅନେକ ଭିଡିଓ ସମସ୍ତଙ୍କୁ ଚକିତ କରିବା ସହ କିଛି ଭିଡିଓ ଲୋକଙ୍କ ମନରେ ଭୟ ଜାତ କରାଏ । ନିକଟରେ ଏମିତି ଏକ ଭିଡିଓ ସାମ୍ନାକୁ ଆସିଛି ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି । ଭିଡିଓରେ ଜଣେ ବ୍ୟକ୍ତି ଅହିରାଜକୁ ଉପରକୁ ଉଠାଉଥିବା ନଜର ଆସୁଛି ।
View this post on Instagram
ଅହିରାଜ ଏକ ବିଷଧର ସାପ । ମାତ୍ର ଗୋଟିଏ ଚୋଟରେ ଅନେକ ଜୀବନ ଅତି ସହଜରେ ନେଇପାରିବ ଏହି ବିଶାଳ ସାପ । ଏହା ସତ୍ତ୍ବେ କିଛି ଲୋକ ଏହା ସହିତ ଖେଳୁଥିବା ନଜର ଆସେ । ଭାଇରାଲ ହେଉଥିବା ଏହି ଭିଡିଓରେ ମଧ୍ୟ ଠିକ୍ ସେମିତି ଦେଖିବାକୁ ମିଳୁଛି । ବ୍ୟକ୍ତି ଜଣକ ସାପକୁ ହାତରେ ଧରି ଉପରକୁ ଉଠାଉଛନ୍ତି ।
ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଏହି ଭିଡିଓ ସେୟାର ହେଉଛି । ଏହାକୁ ଏପର୍ଯ୍ୟନ୍ତ ୩୦ ହଜାରରୁ ଅଧିକ ଲୋକ ପସନ୍ଦ କରିସାରିଛନ୍ତି । ଭିଡିଓରେ ଲୋକେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି । ଲୋକେ ଏହାକୁ ବିପଜ୍ଜନକ ବୋଲି କହୁଥିବାବେଳେ କିଛି ଲୋକ ତାଙ୍କ ସାହସକୁ ପ୍ରଶଂସା କରୁଛନ୍ତି ।
