କେନ୍ଦୁଝର: କେନ୍ଦୁଝର ଜିଲାରେ ଏକ ବଡ଼ ଧରଣର ଟ୍ରକ ଦୁର୍ଘଟଣା ହେବା ପରେ ଟ୍ରକ୍ଟି ଜଳିଯିବା ସହିତ ଚାଳକ ଜୀବନ୍ତ ଦଗ୍ଧ ହୋଇଯାଇଥିବା ସୂଚନା ମିଳିଛି। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚିଥିବା ଜଣାପଡ଼ିଛି। ସୂଚନା ଅନୁସାରେ, କେନ୍ଦୁଝର ଜିଲାର ସଦର ଥାନା ଏନଏଚ ୪୯ ମହୁଲଡିହା ଗାଁ ନିକଟରେ ଏକ ଟ୍ରକ ଦ୍ରୁତ ଗତିରେ ଆସି ଅନ୍ୟ ଏକ ଟ୍ରକର ପଛକୁ ପିଟିଛି । ଧକ୍କା ହେବା ଫଳରେ ଟ୍ରକରେ ସଙ୍ଗେ ସଙ୍ଗେ ନିଆଁ ଲାଗିଯାଇଛି । ଏଥିରେ ଥିବା ଚାଳକ ଗାଡିରୁ ବାହାରି ନ ପାରି ଜୀବନ୍ତ ଜଳିଯାଇଥିବା ଜଣାପଡ଼ିଛି। ଘଟଣାସ୍ଥଳରେ ସଙ୍ଗେ ସଙ୍ଗେ ପୁଲିସ ଓ ପହଞ୍ଚି ଅଗ୍ନିଶମ ବାହାନୀ ପହଞ୍ଚି ନିଆଁ ଆୟତ୍ତ କରିବା ସହ ଚାଳକଙ୍କ ମୃତଦେହ ଉଦ୍ଧାର କରିଥିଲା ।
Comments are closed.