ବେଙ୍ଗାଲୁରୁ : ସ୍ଥାନୀୟ କେମ୍ପଗୌଡା ଆନ୍ତର୍ଜାତିକ ବିମାନବନ୍ଦର ପାଇଖାନାରୁ ସୀମା ଶୁଳ୍କ ଅଧିକାରୀମାନେ ୨.୮ କିଲୋ ଓଜନର ସୁନା ଅଳଙ୍କାର ଜବତ କରିଛନ୍ତି। ଜବତ ସୁନାର ମୂଲ୍ୟ ୮୫ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି। ପାଇଖାନା ମଧ୍ୟରେ ଥିବା ଏକ ଡଷ୍ଟବିନରେ ସୁନା ଅଳଙ୍କାରଗୁଡିକ ଏକ ଜରିରେ ଭର୍ତ୍ତି ହୋଇ ପଡିଥିଲା। ସଫେଇ କର୍ମଚାରୀ ପଲିଥିନକୁ ଦେଖି ସୀମାଶୁଳ୍କ ଅଧିକାରୀଙ୍କୁ ଜଣାଇଥିଲେ। ଅଭିଯୁକ୍ତକୁ ଧରିବା ଲାଗି ଅଧିକାରୀମାନେ ସିସିଟିଭି ଫୁଟେଜକୁ ଯାଞ୍ଚ କରୁଛନ୍ତି।
