ନୂଆଦିଲ୍ଲୀ : ଆଇଏନଏକ୍ସ ମିଡିଆ ଠାରୁ ଲାଞ୍ଚ ନେବା ଅଭିଯୋଗରେ ଗିରଫ ହୋଇଥିବା କାର୍ତ୍ତି ଚିଦମ୍ବରମଙ୍କ ନାର୍କୋ ଆନାଲିସିସ୍ ଟେଷ୍ଟ କରିବାକୁ ସିବିଆଇ ନିଷ୍ପତ୍ତି ନେଇଛି। କାର୍ତ୍ତିଙ୍କ ନାର୍କୋ ଟେଷ୍ଟ କରିବା ପାଇଁ ବୁଧବାର ସିବିଆଇ ଅଦାଲତଙ୍କ ଠାରୁ ଅନୁମତି ଲୋଡିଛି। ମାର୍ଚ୍ଚ ୯ରେ ସିବିଆଇର ଆବେଦନ ଉପରେ ସ୍ୱତନ୍ତ୍ର ବିଚାରପତି ସୁନିଲ ରାଣା ନିଷ୍ପତ୍ତି ନେବେ। ଏହି ମାମଲାରେ କାର୍ତ୍ତିଙ୍କ ଚାଟାର୍ଡ ଆକାଉଣ୍ଟାଣ୍ଟ ଏସ୍ ଭାସ୍କରରମଣଙ୍କ ବିରୋଧରେ ଗିରଫ ପରୱାନା ଜାରି କରିବା ଲାଗି ମଧ୍ୟ ସିବିଆଇ ଆବେଦନ କରିଛି। ପିତା ପି. ଚିଦମ୍ବରମ୍ କେନ୍ଦ୍ର ସରକାରରେ ଅର୍ଥମନ୍ତ୍ରୀ ଥିବାବେଳେ କାର୍ତ୍ତି ଅନିୟମିତତା ପୂର୍ବକ ଆଇଏନଏକ୍ସ ମିଡିଆକୁ ବିଦେଶ ପୁଞ୍ଜିପ୍ରୋତ୍ସାହନ ପ୍ରୋମୋସନ ବୋର୍ଡ (ଏଫଆଇପିବି) ଅନୁମତି ଦେବା ଲାଗି ଅନୁକମ୍ପା ପ୍ରଦର୍ଶନ କରିଥିଲେ। ଏଥିପାଇଁ ସେ ଉକ୍ତ ମିଡିଆ କମ୍ପାନୀ ଠାରୁ ବିପୁଳ ଅର୍ଥ ଲାଞ୍ଚ ନେଇଥିବା ଅଭିଯୋଗ ହୋଇଛି।
