ବେଙ୍ଗାଲୁରୁ : କର୍ଣ୍ଣାଟକ ବିଧାନସଭା ନିର୍ବାଚନରେ ପ୍ରତିଦ୍ବନ୍ଦ୍ବିତା କରୁଥିବା ଜଣେ ସ୍ବାଧୀନ ପ୍ରାର୍ଥୀ ବର୍ତ୍ତମାନ ଚର୍ଚ୍ଚାରେ ଅଛନ୍ତି। ନିର୍ବାଚନ ଲଢ଼ିବାକୁ ପ୍ରାର୍ଥୀଙ୍କୁ ଅମାନତ ବାବଦକୁ ୧୦ ହଜାର ଟଙ୍କା ପ୍ରଦାନ କରିବାକୁ ପଡୁଛି। ଏହି କ୍ରମରେ ୟାଦଗିର୍ ବିଧାନସଭା ଆସନରୁ ପ୍ରତିଦ୍ବନ୍ଦ୍ବିତା କରୁଥିବା ଜଣେ ସ୍ବାଧୀନ ପ୍ରାର୍ଥୀ ୟାନ୍କପ୍ପା ଅମାନତ ବାବଦକୁ ୧୦ ହଜାରଟି ଏକଟଙ୍କିଆ କଏନ୍ ଅଧିକାରୀଙ୍କ ନିକଟରେ ଜମା ଦେଇଛନ୍ତି। ମଙ୍ଗଳବାର ୟାନ୍କପ୍ପା ସ୍ଥାନୀୟ ତହସିଲଦାରଙ୍କ କାର୍ଯ୍ୟାଳୟକୁ ଯାଇ ପ୍ରାର୍ଥିପତ୍ର ଦାଖଲ କରିବା ସହ ବ୍ୟାଗ୍ ଭର୍ତ୍ତି ଏକ ଟଙ୍କିଆ କଏନ୍ ଅମାନତ ବାବଦରେ ଜମା ଦେଇଥିଲେ। କଏନ୍ଗୁଡ଼ିକୁ ଗଣିବା ନିମନ୍ତେ ତହସିଲଦାର କାର୍ଯ୍ୟାଳୟ କର୍ମଚାରୀଙ୍କୁ ପାଖାପାଖି ୨ ଘଣ୍ଟା ସମୟ ଲାଗିଥିଲା। ଅମାନତ ବାବଦ ଅର୍ଥ ଜମା କରିବାକୁ ସେ ୧୦ ହଜାର ଲୋକଙ୍କ ଠାରୁ ଗୋଟିଏ ଟଙ୍କା ଲେଖାଏଁ ସଂଗ୍ରହ କରିଥିବା ୟାନ୍କପ୍ପା ସୂଚନା ଦେଇଥିଲେ। ଗୁଲବର୍ଗା ବିଶ୍ବବିଦ୍ୟାଳୟରୁ ସ୍ନାତକ ଡିଗ୍ରୀ ହାସଲ କରିଥିବା ୟାନ୍କପ୍ପା ଦାଖଲ କରିଥିବା ସମ୍ପତ୍ତି ତାଲିକା ଅନୁଯାୟୀ ତାଙ୍କ ନିକଟରେ ୬୦ ହଜାର ଟଙ୍କା ଥିବା ଦର୍ଶାଇଥିବା ବେଳେ ତାଙ୍କ ବାପା ଦେବେନ୍ଦ୍ରପ୍ପାଙ୍କ ନିକଟରେ ଗୋଟିଏ ଏକର ୧୬ ଗୁଣ୍ଠ ଜମି ଥିବା ଉଲ୍ଲେଖ କରିଛନ୍ତି।
Popular Categories
Previous article
Next article