ଗୁରୁଡିଝାଟିଆ : ଆଠଗଡ ବିଜୁ ଜନତାଦଳ ପକ୍ଷରୁ କଣ୍ଡରେଇ ପଞ୍ଚାୟତରେ ଜନସଂପର୍କ ପଦଯାତ୍ରା ଅନୁଷ୍ଠିତ ହୋଇଛି । ସତ୍ୟନାରାୟଣପୁରରୁ ଆରମ୍ଭ ହୋଇ ଅନନ୍ତପୁର ଗାଁରେ ପଦଯାତ୍ରା ସମାପନ ହୋଇଥିଲା । ଯୁବନେତା ଆଦିତ୍ୟ ପ୍ରତାପ ସ୍ୱାଇଁ ପଦଯାତ୍ରାକୁ ଉଦଘାଟନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଚିନ୍ତା ଚେତନା ଲୋକାଭିମୁଖି ଶାସନ ଓ ପ୍ରତ୍ୟେକ ପରିବାର ମୋ ପରିବାର ଭାବନାକୁ ତୃଣମୂଳସ୍ତରରେ ପହଞ୍ଚାଇବା ଆମ ସମସ୍ତଙ୍କ କାମ । ଏହି ସଂକଳ୍ପକୁ କାର୍ଯ୍ୟକାରୀ କରି ନିର୍ବାଚନମଣ୍ଡଳୀର ୬୦ହଜାର ଚୁଲିମୁଣ୍ଡରେ ପହଞ୍ଚାଇବା ସହ ସେମାନଙ୍କ ଦୁଃଖସୁଖରେ ସାମିଲ ହେବା ପାଇଁ କହିଥିଲେ । ଏହି ପଦଯାତ୍ରାରେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ପ୍ରତିନିଧି ରଞ୍ଜନ କୁମାର ଆଚାର୍ଯ୍ୟ, ଜିଲ୍ଲାପରିଷଦ ସଦସ୍ୟା ମିନତୀ ଗାଗରାଇ, ସ୍ଥାନୀୟ ସରପଞ୍ଚ ଜ୍ଞାନ ରଞ୍ଜନ ଦାସ, ସମିତି ସଭ୍ୟ ବିଶ୍ୱନାଥ ପୂର୍ତ୍ତି, ଆଠଗଡ ବିଜୁ ଯୁବଜନତାଦଳର ସଭାପତି ବିନୋଦ ମାଝି, ଜିଲ୍ଲା ବିଜୁ ଜନତାଦଳ ସଂପାଦକ ପ୍ରଦୀପ୍ତ ଦାସ, ଅଜୟ ବେହେରା, ପଞ୍ଚାୟତ ସଭାପତି ହୃଷିକେଶ ପରିଡା, ପ୍ରଣତି ନାୟକ, ରିମଝିମ ରାଉତଙ୍କ ସହିତ ସମସ୍ତ କର୍ମୀମାନେ ଯୋଗଦେଇ ପଦଯାତ୍ରାରେ ସଂଶ୍ଲିଷ୍ଟ ହୋଇଥିଲେ।
Comments are closed.