କାମାକ୍ଷାନଗର: ଉତ୍କଳ ବିଶ୍ବବିଦ୍ୟାଳୟ ଦ୍ୱାରା ପରିଚାଳିତ ଯୁକ୍ତ ତିନି ଶେଷ ବର୍ଷ ପରୀକ୍ଷାରେ ବିଭିନ୍ନ ବିଭାଗରେ କୃତିତ୍ବ ହାସଲ କରିଥିବା ଶ୍ରେଷ୍ଠ ଦଶ ଜଣ ପରୀକ୍ଷାର୍ଥୀଙ୍କ ନାମ ତାଲିକା ପ୍ରକାଶ ପାଇଛି । ଉକ୍ତ ତାଲିକାରେ ମଠକରଗୋଳା ମହାବିଦ୍ୟାଳୟର ୪ଜଣ ଛାତ୍ରୀ ସ୍ଥାନ ପାଇଥିବାର ଅଧ୍ୟକ୍ଷ ଶ୍ରୀ ଚିତ୍ତ ରଞ୍ଜନ ଦାଶ ପ୍ରକାଶ କରିଛନ୍ତି । ଅର୍ଥନୀତି ସମ୍ମାନରେ ଅନିତା ମଞ୍ଜରୀ ପାତ୍ର ଦ୍ୱିତୀୟ ସ୍ଥାନ, ଶିକ୍ଷା ବିଭାଗରେ ସନ୍ଧ୍ୟାବତୀ ପାଣି ପଞ୍ଚମ, ଦର୍ଶନ ଶାସ୍ତ୍ର ସମ୍ମାନରେ ଝୁନା ରାଉଳ ଷଷ୍ଠ ସ୍ଥାନ ହାସଲ କରିଥିବା ବେଳେ ରୂପାଲି ନାୟକ ସପ୍ତମ ସ୍ଥାନ ଅଧିକାର କରିଛନ୍ତି । ଏହି ଖବର ପ୍ରଚାରିତ ହେବା ପରେ ଅଧ୍ୟାପକ ଅଧ୍ୟାପିକା, ଅଭିଭାବକ, ବୁଦ୍ଧିଜୀବୀ ଓ ଛାତ୍ର ଛାତ୍ରୀ ଙ୍କ ମହଲରେ ଆନନ୍ଦର ଲହରୀ ଖେଳି ଯାଇଛି । ଏହି ସଫଳତାର ଶ୍ରେୟ ସମସ୍ତ ଅଧ୍ୟାପକ-ଅଧ୍ୟାପିକା ଓ ଛାତ୍ରଛାତ୍ରୀ ମାନଙ୍କୁ ଦେବା ସହ ଭବିଷ୍ୟତରେ ଏହି ଧାରା ବଜାୟ ରଖିବା ନିମନ୍ତେ ଅଧ୍ୟକ୍ଷ ଶ୍ରୀ ଦାଶ ଆଶା ପ୍ରକଟ କରିଛନ୍ତି।।
Comments are closed.