ବାରହା ମାଂସ ଜବତ; ଜଣେ ଗିରଫ

କାମାକ୍ଷାନଗର: କାମାକ୍ଷାନଗର ଉପଖଣ୍ଡ ଭୁବନ ରେଞ୍ଜ ଅନ୍ତର୍ଗତ ଟିପିଲେଇ ଗ୍ରାମରୁ ବାରହା ମାଂସ ଜବତ ହୋଇଛି । ବନ ବିଭାଗ ପକ୍ଷରୁ ବାରହା ମାଂସ ସହିତ ଜଣକୁ ଗିରଫ କରିଥିବା ଜଣାପଡ଼ିଛି l ଟିପିଲେଇ ଗ୍ରାମ ଦେଇ ଯାଇଥିବା ୫୩ନଂ ଜାତୀୟ ରାଜପଥରେ ଏକ ଗାଡି ଧକ୍କାରେ ଗୋଟିଏ ବାରହାର ମୃତ୍ୟୁ ହୋଇଥିଲା l ଗ୍ରାମର ମାଗି ନାୟକ ନାମକ ଜଣେ ବ୍ୟକ୍ତି ରାସ୍ତାରୁ ବାରହା ମାଂସ ନେଇ ଘରକୁ ଯାଇଥିଲେ l ଖବର ପାଇ ବନବିଭାଗ ପକ୍ଷରୁ ମାଗି ନାୟକଙ୍କ ଠାରୁ ବାରହା ମାଂସ ଜବତ କରିବା ସହିତ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି l