MEllora 950×100

ସିଆରପିଏଫ ବାଟାଲିୟନ ପକ୍ଷରୁ ହର ଘର ତ୍ରିରଙ୍ଗା ଅଭିଯାନ

କଲ୍ୟାଣସିଂହପୁର : ରାୟଗଡା ଓ କଳାହାଣ୍ଡି ଜିଲ୍ଲା ସୀମାନ୍ତରେ ମାଓ ପ୍ରବଣ ଅଞ୍ଚଳ ହୋଇଥିବା ଯୋଗୁଁ ରାୟଗଡା ସିଆରପିଏଫ ୪ର୍ଥ ବାଟାଲିୟନ ଦ୍ୱାରା ପରିଚାଳିତ  ବିଜେପୁର ଠାରେ ଥିବା ଏଫ୪ର୍ଥ ବାଟାଲିୟନ ପକ୍ଷରୁ  ହର ଘର ତ୍ରିରଙ୍ଗା ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ପ୍ରଧାନମନ୍ତ୍ରୀଙ୍କ  ହର ଘର ତ୍ରିରଙ୍ଗା ଅଭିଯାନ ଆହ୍ଵାନରେ  ମାଓପ୍ରବଣ ଅଞ୍ଚଳ ଲୋକମାନେ ମଧ୍ୟ ସାମିଲ ହୋଇଛନ୍ତି ।
ବିଜେପୁର ସିଆରପିଏଫ ଏଫ୪ର୍ଥ ବାଟାଲିୟନର ଆସିଷ୍ଟାଣ୍ଡ କମାଡେଣ୍ଟ ରାଜ ପ୍ରକାଶ ବିହାରୀ, ଇନିସ୍ପେକ୍ଟର ବୁଧିରାଜଙ୍କ ନେତୃତ୍ୱରେ ଯବାନ ମାନେ ତ୍ରିରଙ୍ଗା ପତାକା ଧରି ବିଭିନ୍ନ ଗ୍ରାମ ବୁଲି ବୁଲି ଚଳିତ ମାସ ୧୩  ରୁ ୧୫ ପର୍ଯ୍ୟନ୍ତ ପ୍ରତ୍ୟେକ ଘରେ  ଜାତୀୟ ପତାକା ଲଗାଇବା ସହ ୨ ରୁ ୧୫ ତାରିଖ ପର୍ଯ୍ୟନ୍ତ ଗାଁରେ ପତାକା ବଣ୍ଟନ କରିଥିବା ଦେଖିବାକୁ ମିଳିଛି । ପ୍ରତ୍ୟେକ ବିଦ୍ୟାଳୟକୁ ଯାଇ ଛାତ୍ର ଛାତ୍ରୀ ମାନଙ୍କୁ ମଧ୍ୟ ସଚେତନତା କରିଛନ୍ତି । ଅମିତ ସାହୁ, ରୂପସିଙ୍ଗ ମାଝୀ, ଉମେଶ ସାହୁ, ନିଳାଞ୍ଚଳ ସାହୁ ପ୍ରମୁଖ ସହଯୋଗ କରିଥିଲେ ।

Comments are closed.