କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ନିୟମଗିରି ପାହାଡରେ ବସବାସ କରୁଥିବା ଆଦିମ ଡଙ୍ଗରିଆ କନ୍ଧଙ୍କ ୧୪ନମ୍ବର ୱାର୍ଡ ରାଇଲିମା ବୁଥରେ ୨୫ତାରିଖରେ ସାନି ମତଦାନ ଦେବ ବୋଲି ସୂଚନା ମିଳିଛି । ରାଜ୍ୟ ନିର୍ବାଚନ କମିଶନଙ୍କ ନିର୍ଦେଶରେ ସାନି ମତଦାନ କରାଯିବ। ତ୍ରିସ୍ତରୀୟ ପଞ୍ଚାୟତ ନିର୍ବାଚନର ତୃତୀୟ ପର୍ୟ୍ୟାୟରେ ଉକ୍ତ ବ୍ଲକର ୧୭୦ ବୁଥରେ ମତଦାନ ହୋଇଥିଲା । ଏହି ୩ଟି ଗାଁ ରାଇଲିମାରେ ୧୨୯ ଭୋଟର ତାଲିକା ରହିଥିଲା ସେଥିରୁ ୭୯ଜଣ ଭୋଟର ମତଦାନ ଦେଇଥିବା ବେଳେ ତଳ ମୁସୁଡି ଓ ଉପର ମୁସୁଡିର ଭୋଟରଙ୍କ ତାଲିକା ରେ ନାମ ନଥିଲା । ଏହାକୁ ନେଇ ତଳ ମୁସୁଡି ଓ ଉପରମୁସୁଡି ଗାଁର ଡଙ୍ଗରିଆ ମହିଳା ପୁରୁଷମାନେ ମତଦାନ କେନ୍ଦ୍ରରେ ଭଙ୍ଗା ରୁଜା କରି ଭୋଟ ବାକ୍ସ ଓ ପ୍ରିଜାଇଡିଂ ପାଖରେ ଥିବା ଟିଣ ବାକ୍ସ ଝିଙ୍କି ନେଇ ଚାଲି ଯାଉଥିଲେ । ଏହି ଖବର ପୁଲିସ ଜାଣି ଡ଼ଙ୍ଗରିଆଙ୍କ ବାଟ ଆଗୁଳି ନିର୍ବାଚନର ସମସ୍ତ ଜିନିଷ ଫେରାଇ ଦେବାକୁ କହୁଥିଲେ। ଏହିମାନଙ୍କ କଥାକୁ ନ ମାନି ଡ଼ଙ୍ଗରିଆମାନେ ପୁଣି ଧାଇଁ ଚାଲିଯାଉଥିଲେ । ଉକ୍ତ ଖବର ପାଇ ଏସଡ଼ିପିଓ ଦେବଜ୍ୟୋତି ଦାସ, ତହସିଲଦାର ଦେବାଶିଷ କର, ଥାନା ଅଧିକାରି ସୁକୁମା ହଂସୁଦା ପହଞ୍ଚି ଉତ୍ତ୍ୟକ୍ତ ଡଙ୍ଗରିଆ ଙ୍କୁ ବୁଝା ସୁଝା କରିଥିଲେ । ପ୍ରଶାସନର ଭୁଲ ପାଇଁ ଆମେ ଡଙ୍ଗରିଆମାନେ ଭୋଟ ଦେବାରୁ ବଞ୍ଚିତ । ଭୋଟର ତାଲିକାରେ ଆମ ନାମ ନାହିଁ, ଭୋଟସାବ୍ୟସ୍ତ କରିବାରୁ ଆମେ ବଞ୍ଚିତ, ଭୋଟ ବାକ୍ସ ଦେବୁନାହିଁ ବୋଲି କହିଥିଲେ । ଏହାକୁ ନେଇ ତହସିଲଦାର ଦେବାଶିଷ କର ଡଙ୍ଗରିଆ ମହିଳା ପୁରୁଷ ଙ୍କୁ ବୁଝାଇ ସେମାନେ ଭୋଟ ଦେବେ ବୋଲିଏକ ଲିଖିତ ଦେବାପରେ ଭୋଟ ବାକ୍ସ, ଟିଣ ବାକ୍ସ ପ୍ରମୁଖ ଫେରସ୍ତ କରିଥିଲେ । ତାହାକୁ ନେଇ ୨୫ତାରିଖରେ ସୁନାଖଣ୍ଡି ପଞ୍ଚାୟତର ରାଇଲିମା ଗାଁ୧୪ ନମ୍ବର ବୁଥରେ ତଳ ମୁସୁଡି ଓ ଉପର ମୁସୁଡି ଦୁଇ ଗାଁର ଭୋଟର ହିଁ ମତଦାନ କରିପାରିବେ । ତାହା ସକାଳ ୯ ଘଣ୍ଟା ରୁ ୩ପର୍ୟ୍ୟନ୍ତ ମତଦାନ କରାଯିବ ବୋଲି ନିର୍ବାଚନ ଅଧିକାରୀ ମାନସ ରଞ୍ଜନ ପ୍ରଧାନ, ବିଡ଼ିଓ ସୁଧାକର ରଇତ,ଏବିଡ଼ିଓ ବଳରାମ ପାତ୍ର ସୂଚନା ଦେଇଛନ୍ତି ।
Comments are closed.