କଲ୍ୟାଣସିଂହପୁର:କଲ୍ୟାଣସିଂହପୁର ବ୍ଲକ ଶିକରପାଇ ପଞ୍ଚାୟତରେ ଥିବା ରେଳଷ୍ଟେସନ ନିକଟରେ ମାଟିଅତଡ଼ା ଧସି ରେଳ ଚଳାଚଳ ବାଧାପ୍ରାପ୍ତ ହୋଇଥିବା ଜଣାପଡିଛି। ସୂଚନା ଅନୁଯାୟୀ ପ୍ରାୟ ତିନିଦିନ ବ୍ୟାପୀ ଲଘୁଚାପ ଜନିତ ବର୍ଷା ଯୋଗୁଁ ରାୟଗଡାରୁ କୋରାପୁଟକୁ ଯାଇଥିବା ରେଳପଥର କେଉଟଗୁଡା ଓ ସିକରପାଇ ଷ୍ଟେସନ ମଝି ଆନନ୍ଦପାଡୁ ଗାଁ ନିକଟସ୍ଥ ୩୪ନମ୍ବର ଟନେଲ ପାଖରେ ପାହାଡ଼ରୁ ମାଟି ଅତଡ଼ା ଧସି ରେଳ ଚଳାଚଳ ବାଧା ସୃଷ୍ଟି ହୋଇଛି। ମାଟି ଧସିବା ଫଳରେ ଗଛଟି ରେଳଲାଇନ ଉପରେ ପଡ଼ିଥିବା ଯୋଗୁଁ ୩ଘଣ୍ଟା ଧରି ସିକରପାଇ ଷ୍ଟେସନରେ ସମ୍ବଲେଶ୍ୱରୀ ଟ୍ରେନ ଅଟକି ରହିଥିଲା। ଯାହାଫଳରେ ଯାତ୍ରୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ତିନି ଘଣ୍ଟା ପରେ ରେଳ ଚଳାଚଳ ସ୍ବାଭାବିକ ହୋଇଥିବା ଜଣାଯାଇଛି।
Comments are closed.