କଲ୍ୟାଣସିଂହପୁର: ତ୍ରିସ୍ତରୀୟ ପଞ୍ଚାୟତ ନିର୍ବାଚନର ତୃତୀୟ ପର୍ୟ୍ୟାୟ ରେ ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ୭୯ପ୍ରତିଶତ ମତଦାନ ହୋଇଛି। ବ୍ଲକର ୧୪ଟି ପଞ୍ଚାୟତରେ ୧୭୦ ବୁଥରେ ୪୫୫୭୬ଜଣ ଭୋଟର ମଧ୍ୟରୁ୩୬୪୩୩ ଜଣ ମତଦାନ ସାବ୍ୟସ୍ତ କରିଛନ୍ତି । ସେଥିରୁ ୧୭୭୬୪ ଜଣ ପୁରୁଷ ଓ ୧୮୬୬୯ ଜଣ ମହିଳା ରହିଛନ୍ତି। ଉକ୍ତ ବ୍ଲକର ଗୋଟିଏ ପଟେ ସୁରୁଖୁରୁରେ ମତଦାନ ହୋଇଥିବା ବେଳେ ଅନ୍ୟ ପଟେ ମାଓବାଦୀ ମାନେ ଟିଫିନ ବୋମା ଖଞ୍ଜି ରଖିଥିଲେ। ସେହିପରି ସୁନାଖଣ୍ଡି ପଞ୍ଚାୟତର ରାଇଲିମା ଗାଁରେ ୧୪ ନମ୍ବର ୱାର୍ଡ ମତଦାନ ଚାଲିଥିବା ବେଳେ ଦୁଇଟି ଗାଁ ତଳ ମୁସୁଡି ଓ ଉପର ମୁସୁଡି ର ଡଙ୍ଗରିଆ କନ୍ଧଙ୍କ ଭୋଟର ତାଲିକାରେ ନାମ ନଥିବାରୁ ଉତ୍ତକ୍ତହୋଇ ବୁଥ ରେ ଭଙ୍ଗା ରୁଜା କରି ଭୋଟ ବାକ୍ସ ଓ ସମସ୍ତ ସରଞ୍ଜାମ ନେଇ ଯାଉଥିଲେ ।ପ୍ରଶାସନ ର ଲିଖିତ ଦେବା ପରେ ଭୋଟ ବାକ୍ସ ଓ ସମସ୍ତ ସରଞ୍ଜାମ ଦେଇଥିଲେ। ଆସନ୍ତା ୨୬,୨୭,୨୮ ତାରିଖରେ ଗଣତି କରାଯିବ ବୋଲି ନିର୍ବାଚନ ଅଧିକାରୀ ସୁଧାକର ରଇତ,ଏବିଡ଼ିଓ ବଳରାମ ପାତ୍ର, ଜିପିଓ ମାନସ ରଞ୍ଜନ ପ୍ରଧାନ ସୂଚନା ଦେଇଛନ୍ତି।
Comments are closed.