ଜୁନାଗଡ଼- ଶନିବାର ସକାଳ ସମୟରେ ଜୁନାଗଡ଼ ଥାନା ଅନ୍ତର୍ଗତ ଚେରମହୁଲ ଗାଁ ରେ ଜଣେ ମଦ୍ୟପର ଟାଙ୍ଗିଆ ଚୋଟରେ ଜଣେ ବୃଦ୍ଧ ଙ୍କ ମୃତ୍ୟୁ ଘଟିଛି। ମୃତକ ଚେରମହୁଲ ଗ୍ରାମର ରଥ କନ୍ଦପାନ (୬୨) ବୋଲି ଜଣାପଡିଛି।
ସକାଳେ ଚେରମହୁଲ ଗାଁ ର ରତ୍ନାକର ମାଝୀ (୪୦) ସେହି ଗାଁ ର ରଥ କନ୍ଦପାନ ଙ୍କୁ କୌଣସି କାମ ପାଇଁ ଡାକି ଘର ସମ୍ମୁଖରେ ଟାଙ୍ଗିଆରେ ହାଣି ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି। ଟାଙ୍ଗିଆ ଚୋଟ ମୃତକର ଶରୀର ଦୁଇଖଣ୍ଡ ହେଇଯାଇଛି। ଖବର ପାଇ ଜୁନାଗଡ଼ ଥାନା ପୋଲିସ ଘଟଣାସ୍ଥଳକୁ ଯାଇ ଶବ ଜଵତ କରି ଅଭିଯୁକ୍ତ କୁ ଥାନାରେ ଅଟକ ରଖି ତଦନ୍ତ କରୁଛି। କଳାହାଣ୍ଡି ଏସପି ନଗରାଜ ଦେବରକୋଣ୍ଡା ଘଟଣାସ୍ଥଳ ପରିଦର୍ଶନ କରି ଫେରିଛନ୍ତି। ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି। ତେବେ ଅଭିଯୁକ୍ତ ରତ୍ନାକର ମଦ ପିଇ ବିଭିନ୍ନ ସମୟରେ ଲୋକଙ୍କୁ ମାର ଧର କରିବାକୁ ଧମକାଉ ଥିବା କୁହାଯାଉଛି।
- Advertisement -
#kalahandi_news
