ନୂଆଦିଲ୍ଲୀ : ଏହି ମାସରେ ଲୋକମାନଙ୍କ ରାଶିଚକ୍ରରେ ପରିବର୍ତ୍ତନ ଦେଖାଦେବର ସମ୍ଭାବନା ରହିଛି। ଏହାଦ୍ୱାରା କିଛି ଲୋକଙ୍କ ଜୀବନରେ ସଫଳତା ପାଇପାରିବେ। ଅନ୍ୟ କିଛିଜଣ ଆଶାନୁରୂପ ସଫଳତା ପାଇପାରିବେ ନାହିଁ। ତେବେ ଆସନ୍ତୁ ଜାଣିବା କେଉଁ କେଉଁ ରାଶିର ଲୋକମାନଙ୍କ ଜୁନ ମାସରେ ସଫଳ ହେବେ।
ମିଥୁନ : ଜୁନ ମାସରେ ମିଥୁନ ରାଶିର ଲୋକମାନଙ୍କର ବୁଧ ଓ ସୂର୍ଯ୍ୟ ଚଳନ ରହିଛି। ଏହି ରାଶିର ଲୋକମାନଙ୍କ ମଧ୍ୟରେ ଏକ ପ୍ରକାର ବିଶେଷ ଶକ୍ତି ସୃଷ୍ଟି ହୋଇଥାଏ। ମିଥୁନ ରାଶିର ଲୋକମାନଙ୍କର ଏହି ମାସରେ ସମସ୍ତ କାର୍ଯ୍ୟରେ ସଫଳତା ରହିଛି। ତେଣୁ ସେ ଯାହା ଚାହିଁଲେ କରିପାରିବେ। ଏହା ବ୍ୟତିତ ଏହି ରାଶିର ଛାତ୍ରଛାତ୍ରୀ କିମ୍ବା ଚାକିରି କରିଥିବା ବ୍ୟକ୍ତିମାନଙ୍କର ମଧ୍ୟ ଭଲ ରହିଛି। ଚାକିରି କରିଥିବା ବ୍ୟକ୍ତିମାନଙ୍କର ଚାକିରି କ୍ଷେତ୍ରରେ ପଦୋନ୍ନତି ହେବା ସହ ଦରମା ବଢିବାର ସମ୍ଭାବନା ରହିଛି।
ଜୁନ ୨୬ ତାରିଖରେ ପୂର୍ଣ୍ଣିମା ରହିଥିବାରୁ ଏହି ଲୋକମାନଙ୍କ ରାଶିରେ ଶନି ଚଳନ ରହିଛି, ତେଣୁ ଏହି ରାଶିର ଲୋକମାନେ ସେହି ସମୟରେ ଧ୍ୟାନ କରିବା ଦରକାର। 
କର୍କଟ : ଜୁନ ମାସର ଦ୍ୱିତୀୟ ସପ୍ତାହରେ ଏହି ରାଶିର ଲୋକମାନଙ୍କର ଶୁକ୍ର ଚଳନ ହୋଇଥାଏ। ଯାହା ଶରୀରରେ ଏକ ଶକ୍ତି ପ୍ରଦାନ କରିଥାଏ। ଏହାଦ୍ୱାରା ଆପଣଙ୍କ ସହ ବିଭିନ୍ନ ଲୋକମାନେ ମିଶିବା ସହ ଆକର୍ଷିତ ହେବାପାଇଁ ଚେଷ୍ଟା କରିବେ। ଏହି ସମୟରେ ଆଧ୍ୟାତ୍ମିକତା ଶକ୍ତି ବୃଦ୍ଧି ପାଇବ। ଏହି ରାଶିର ଲୋକ ଅନେକ କ୍ଷେତ୍ରରେ ସଫଳତା ହାସଲ କରିବେ। 
ତୁଳା : ଗତ କିଛିମାସ ଧରି ତୁଳା ରାଶିର ବ୍ୟକ୍ତି ବିଶେଷ ମାନଙ୍କର କ୍ୟାରିଅର ଏବଂ ଆର୍ଥିକ ସ୍ଥିତି ଭଲ ନ ଥିଲା। କିନ୍ତୁ ଜୁନ ମାସ ତୁଳା ରାଶିର ଲୋକମାନଙ୍କ ପାଇଁ ଭଲରହିବା ସହ ଆଶାତୀତ ସଫଳତା ହାସଲ କରିପାରିବେ। ମଙ୍ଗଳ ଗ୍ରହ ଚଳନ ଏହି ରାଶିରେ ଭଲ ରହିଥିବାରୁ ମନୋବଳ ଦୃଢ ହେବ। ଏହା ବ୍ୟତିତ ଜୀବନରେ ଆଗକୁ ବଢିବାର ଆଶା ସହ ସକରାତ୍ମକ ମନୋଭାବ ସୃଷ୍ଟିହେବ। ୨୬ ଜୁନରେ ପୁର୍ଣ୍ଣିମା ରହିଥିବାରୁ ପାରିବାରିକ କନ୍ଦଳ ଦେଖା ଦେଇପାରେ। ଏହି ରାଶିର ଲୋକମାନେ କିଛି ବି କାମ ଆରମ୍ଭ କରିବା ଆଗରୁ ବାରମ୍ବାର ଚିନ୍ତା କରିବା ଦରକାର।
