ପ୍ରତିଦିନ କିଛି ନା କିଛି କାମ ପାଇଁ ଘରୁ ବାହାରକୁ ଯିବାକୁ ପଡେ । ବେଳେବେଳେ କାମ ପୁରା ହୋଇଥାଏ ତ କେବେକେବେ କାର୍ଯ୍ୟ ବାଧାପ୍ରାପ୍ତ ହୋଇଥାଏ। ଘରୁ ବାହାରିବା ପୂର୍ବରୁ ଯଦି ଦିଗ ପ୍ରତି ଧ୍ୟାନ ଦିଆଯାଏ ତେବେ ବାଧାବିଘ୍ନ ବା ବିଫଳତାକୁ ଅନେକ ମାତ୍ରାରେ ହ୍ରାସ କରାଯାଇପାରିବ। ତେବେ ଆସନ୍ତୁ ଜାଣିବା କେଉଁ ଦିନ କେଉଁ ଦିଗରେ ଘରୁ ବାହାରିଲେ ଯାତ୍ରା ସଫଳ ହେବା ସହ ଧନ ପ୍ରାପ୍ତି ହୋଇଥାଏ ।
ଉତ୍ତର ଦିଗରେ ଯାତ୍ରା କଲେ ଧନ ପ୍ରାପ୍ତି ହୋଇଥାଏ । ଯଦି ଟଙ୍କା ଆଣିବାକୁ ବା ରୋଜଗାର କରିବାକୁ ଯାଉଛନ୍ତି ତେବେ ଉତ୍ତର ଦିଗରେ ହିଁ ଯାତ୍ରା ଆରମ୍ଭ କରନ୍ତୁ ।
ଯଦି ଆପଣ ବିଦ୍ୟାର୍ଥୀ ଅଟନ୍ତି, ତେବେ ସ୍କୁଲ୍ କଲେଜ୍କୁ ଯିବା ବେଳେ ଉତ୍ତର ଦିଗରେ ଯାଆନ୍ତୁ । କାରଣ ଏହି ଦିଗରେ ମା’ ଲକ୍ଷ୍ମୀ ଓ ସରସ୍ବତୀ ବିରାଜମାନ କରିଥାନ୍ତି । ବୁଧବାର, ଗୁରୁବାର ଓ ଶୁକ୍ରବାର ଦିନ ଏହି ଦିଗରେ କାମ ପାଇଁ ଘରୁ ବାହାରିଲେ ଶୁଭ ଅଟେ ।
ଯଦି ଉତ୍ତର ଦିଗରେ ଯାଇପାରୁ ନାହାନ୍ତି, ତେବେ ପୂର୍ବ ଦିଗରେ ଯାଆନ୍ତୁ । ନହେଲେ ମିଠା ଖାଇ କିମ୍ବା ଗୁଜୁରାତି ସାଙ୍ଗରେ ନେଇ କୌଣସି ଦିଗରେ ଯାଆନ୍ତୁ।
କୌଣସି ନୂଆ ବେପାର ବା କ୍ୟାରିୟର ଆରମ୍ଭ କରିବାକୁ ଯାଉଛନ୍ତି ତେବେ ସୋମବାର ପଶ୍ଚିମ ଦିଗରେ ଯାଆନ୍ତୁ । ଯଦି ସୋମବାର ନ ଯାଇ ଅନ୍ୟ କୌଣସି ଦିନ ଯାତ୍ରା କରୁଛନ୍ତି ତେବେ ଦର୍ପଣରେ ନିଜ ମୁହଁ ଦେଖି ଯାଆନ୍ତୁ ।
କୋର୍ଟକଚେରି ବା ରାଜସଭାକୁ ଯିବାକୁ ହେଲେ ମଙ୍ଗଳବାର ଦିନ ଦକ୍ଷିଣ-ପୂର୍ବ ଦିଗରେ ଘରୁ ବାହାରନ୍ତୁ । ଯଦି ଏହି ଦିନ ଏହି ଦିଗରେ ଯାଇ ପାରୁନାହାଁନ୍ତି ତେବେ ଅନ୍ୟ କୌଣସି ଦିନ ଧନିଆ ଖାଇ ଯେକୌଣସି ଦିଗରେ ଯାଇପାରନ୍ତି । ଏହା ଦ୍ବାରା ଯାତ୍ରା ସଫଳ ହେବ ।
ଯଦି ଆପଣଙ୍କ ଗନ୍ତବ୍ୟସ୍ଥଳ ଉପରୋକ୍ତ ଦିଗରେ ନ ହୋଇ ଅନ୍ୟ କୌଣସି ଦିଗରେ ଥିବ, ତେବେ ସେହି କ୍ଷେତ୍ରରେ ପ୍ରଥମେ ଘରୁ ଉତ୍ତର ଦିଗରେ ଆଠ ପାହୁଣ୍ଡ ଯାଇ ସେଠାରୁ ଡାହାଣ ମୋଡ଼ ନେଇ ଗନ୍ତବ୍ୟ ଦିଗକୁ ଯାତ୍ରା କରିପାରିବେ।
