ସିଡ୍ନୀ: ଭାରତୀୟ ଫୁଟ୍ବଲ ଦଳର ପ୍ରମୁଖ ଖେଳାଳି ହେଲେ ଷ୍ଟ୍ରାଇକର ଜେଜେ ଲାଲ୍ପେ ଖ୍ଲୁଆ। ବର୍ତ୍ତମାନ ସାରାଦେଶରେ କରୋନା ଭୂତାଣୁ ସଂକ୍ରମଣ ଯୋଗୁଁ ଲକ୍ଡାଉନ୍ ଚାଲିଥିବା ବେଳେ ଜେଜେ ଫୁଟ୍ବଲ ନ ଖେଳି ଘରେ ଅଛନ୍ତି। କରୋନା ଯୋଗୁଁ ଲୋକମାନେ ଘରେ ଥିବାରୁ ଡାକ୍ତରଖାନାରେ ରକ୍ତର ଅଭାବ କଥା ଜାଣିବାକୁ ପାଇଲେ। ଜଲ୍ଦି ରକ୍ତ ନ ମିଳିଲେ; କିଛି ରୋଗୀଙ୍କର ମୃତ୍ୟୁ ଘଟିବ ବୋଲି ଡାକ୍ତରଖାନା କର୍ତ୍ତୃପକ୍ଷ ଜଣାଇଲେ। ଏହା ଜାଣିବା ପରେ ଜେଜେ ତାଙ୍କ ଅଞ୍ଚଳ ଡାର୍ଟିଆଙ୍ଗ୍ର ୩୩ ଜଣ ଉତ୍ସାହୀ ଯୁବକଙ୍କୁ ଏକାଠି କଲେ ଏବଂ ରକ୍ତଦାନ ପାଇଁ ଡାକ୍ତରଖାନା ଯାଇଥିଲେ। ସେମାନଙ୍କ ମଧ୍ୟରୁ ଜେଜେ ଲାଲ୍ପେଖ୍ଲୁଆଙ୍କ ସହ ମୋଟ ୨୭ ଜଣ ରକ୍ତଦାନ ପାଇଁ ଯୋଗ୍ୟ ବିବେଚିତ ହେଲେ। ଡାକ୍ତରଖାନାରେ ସେମାନଙ୍କଠାରୁ ରକ୍ତ ସଂଗ୍ରହ କରାଗଲା। ପୂର୍ବରୁ ମଧ୍ୟ ଏକାଧିକ ଥର ଜେଜେ ରକ୍ତଦାନ କରିଛନ୍ତି। ପୁଣି ମିଜୋରାମରେ ବହୁ ଜନ ହିତକର କାର୍ୟ୍ୟ ଜେଜେ କରିଥାଆନ୍ତି। ଗତ ଏକ ଦଶନ୍ଧି ହେଲା ଜେଜେ ଲାଲ୍ପେଖ୍ଲୁଆ ଭାରତୀୟ ଫୁଟ୍ବଳ ଦଳର ନିୟମିତ ସଦସ୍ୟ।
Popular Categories
Previous article
Next article