ନୂଆଦିଲ୍ଲୀ : ବ୍ରଡବ୍ୟାଣ୍ଡ ବେଗ ପରିମାପକ ସଂସ୍ଥା ଓକ୍ଲା ଭାରତରେ ୫ଜି ପ୍ରଦର୍ଶନ ଓ ଗ୍ରାହକ ଅଭିଜ୍ଞତା ଉପରେ ପ୍ରକାଶିତ ଏହାର ରିପୋର୍ଟରେ ୫ଜି ହାରାହାରି ଡାଉନଲୋଡ୍ ସ୍ପିଡ୍ ଦୃଷ୍ଟିରୁ ଭାରତ ଏବେ ବିଶ୍ୱର ଶ୍ରେଷ୍ଠ ୧୫ ଦେଶ ମଧ୍ୟରେ ସ୍ଥାନ ପାଇଥିବା କହିଛି। ୨୦୨୩ର ଚତୁର୍ଥ ତ୍ରୟମାସରେ ରହିଥିବା ଦେଶର ହାରାହାରି ୫ଜି ଡାଉନଲୋଡ୍ ସ୍ପିଡ୍ ୩୦୧.୮୬ ଏମ୍ବିପିଏସ୍ ଭାରତକୁ ଅତ୍ୟାଧୁନିକ ୫ଜି ଭିତ୍ତିଭୂମି ଥିବା ଦେଶ ସୂଚୀରେ ସ୍ଥାନିତ କରିଛି। ଭାରତର ଟେଲିକମ୍ ଶିଳ୍ପର ପରିବର୍ତ୍ତିତ ଦୃଶ୍ୟପଟରେ ରିଲାଏନ୍ସ ଜିଓ ୫ଜି ଆଧିପତ୍ୟ ବିସ୍ତାର କରିଛି। ଜିଓ ଦ୍ରୁତ ଗତିରେ ୫ଜି କ୍ଷେତ୍ରରେ କାର୍ଯ୍ୟ କରୁଛି। ୨୦୨୪ ଫେବୃଆରୀ ସୁଦ୍ଧା ଭାରତରେ ୪.୨୫ ଲକ୍ଷ ୫ଜି ବିଟିଏସ୍ ସ୍ଥାପନ କରାଯାଇଛି ଯେଉଁଥିରୁ ପ୍ରାୟ ୮୦% ବିଟିଏସ୍ ରିଲାଏନ୍ସ ଜିଓ ସ୍ଥାପନ କରିଥିବା କମ୍ପାନୀ ପକ୍ଷରୁ କୁହାଯାଇଛି। ରିଲାଏନ୍ସ ଜିଓ ଏବଂ ଭାରତୀ ଏୟାରଟେଲ ଭାରତରେ ୫ଜି ନେଟୱର୍କ ବିସ୍ତାର କରିବା ପାଇଁ ବ୍ୟାପକ ପୁଞ୍ଜିନିବେଶ କରିଛନ୍ତି, ଯାହା ଫଳରେ ଦେଶରେ ୫ଜି ଉପଲବ୍ଧତାରେ ବୃଦ୍ଧି ଦେଖାଯାଇଛି।
Comments are closed.