ପାଟଣା: କେନ୍ଦୁଝର ଜିଲାର ସଦର ନିର୍ବାଚନ ମଣ୍ଡଳୀ ଅନୁସୂଚିତ ଜନଜାତି ବର୍ଗଙ୍କ ପାଇଁ ନିର୍ବାଚନ ଲଢିବା ପାଇଁ ଉଦ୍ଦିଷ୍ଟ ଥିବାବେଳେ ଏହି ନିର୍ବାଚନ ମଣ୍ଡଳୀରେ ପ୍ରାୟତଃ ବହୁ ହେଭିୱେଟ ନେତା ନିର୍ବାଚନ ଲଢିବା ପାଇଁ ମଇଦାନକୁ ଓହ୍ଲାଇ ଥାଆନ୍ତି। ଆଉ ଏହି ନିର୍ବାଚନ ମଣ୍ଡଳୀରେ କେନ୍ଦୁଝର ସହର ରହିଥିବାରୁ ଏହା ବହୁ ଗୁରୁତ୍ବ ବହନ କରିଥାଏ । ନିର୍ବାଚନ ମଣ୍ଡଳୀରେ ଆଦିବାସୀ ଭୋଟର ସଂଖ୍ୟା ଅଧିକ ରହିଛି। ବିଜେପି, ବିଜେଡି ପ୍ରାର୍ଥୀ ଘୋଷଣା କରି ସାରିଥିବା ବେଳେ ଏଯାଏ କଂଗ୍ରେସ ପ୍ରାର୍ଥୀ ଘୋଷଣା କରିନାହିଁ। ସେହିଭଳି ଏଥର ସ୍ୱାଧୀନ ପ୍ରାର୍ଥୀ ଭାବେ ଝୁମ୍ପୁରା ବ୍ଲକ ଖେଣ୍ଡରା ପଞ୍ଚାୟତର ଫକୀରପୁର ଗ୍ରାମର ଝରଣା ନାଏକ ନିର୍ବାଚନ ମଇଦାନକୁ ଓହ୍ଲାଇବେ ବୋଲି ଘୋଷଣା କରିଛନ୍ତି। ତାଙ୍କ ପରିବାର ବାଙ୍ଗାଲୋରରେ ନିଜସ୍ଵ କମ୍ପାନୀ କରି ବହୁ ଓଡ଼ିଆ ପିଲାଙ୍କୁ ସ୍ବରୋଜଗାରୀ ସ୍ୱାବଲମ୍ବୀ କରାଇବାରେ ସଫଳ ହୋଇଛନ୍ତି । ସମାଜ ସେବୀ ଭାବେ ମଧ୍ୟ ସେ ପରିଚିତ । ସେ ନିର୍ବାଚନ ମଣ୍ଡଳୀର ଅବହେଳିତ, ନିଷ୍ପେସିତ, କୃଷକ ଆଦିବାସୀ, ହରିଜନ ଭାଇ ଭଉଣୀମାନଙ୍କ ବିକାଶ ନିମନ୍ତେ ସାମ୍ବିଧାନିକ ନ୍ୟାୟ ଏବଂ ନିର୍ବାଚନ ମଣ୍ଡଳୀର ବିକାଶ ନିମନ୍ତେ ସର୍ବଦା ଚେଷ୍ଟା କରିବେ ବୋଲି କହିଛନ୍ତି। ଗତ ପଞ୍ଚାୟତ ନିର୍ବାଚନରେ ଝରଣା ସରପଞ୍ଚ ଭାବେ ଖେଣ୍ଡରା ପଞ୍ଚାୟତରେ ପ୍ରତିଦ୍ବନ୍ଦିତା କରି ଅଳ୍ପ ଭୋଟ ବ୍ୟବଧାନରେ ହାରି ଯାଇଥିବାବେଳେ ସେ ଏବେ ବିଧାୟିକା ପ୍ରାର୍ଥୀ ଭାବେ ଅଣ୍ଟା ଭିଡିଛନ୍ତି। ତାଙ୍କ ସ୍ଵାମୀ ଡମ୍ବରୁଧର ମହାନ୍ତଙ୍କର ଉତ୍ତମ ଜନସଂପର୍କ ଥିବାରୁ ନିଜର ପ୍ରତିଦ୍ବନ୍ଦୀମାନଙ୍କୁ ସେ କଡା ଟକ୍କର ଦେବେ ବୋଲି ଝରଣା ମତ ଦେଇଛନ୍ତି।
Popular Categories
Previous article
Next article