ଡେସ୍କ: ଜାଲିଆନାୱାଲା ବାଗ ହତ୍ୟାକାଣ୍ଡର ସହିଦଙ୍କୁ ସବୁ ଦଳର ନେତା ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ରାଷ୍ଟ୍ରପତି, ଉପରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ ଜାଲିଆନାୱାଲା ବାଗର ସହିଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ସୋସିଆଲ ମିଡିଆରେ ଏକ ପୋଷ୍ଟରେ କହିଛନ୍ତି ଯେ ସ୍ୱରାଜ ପାଇଁ ପ୍ରାଣବଳି ଦେଇଥିବା ସମସ୍ତ ମହାନ ଆତ୍ମାଙ୍କ ନିକଟରେ ଦେଶ ସର୍ବଦା ଋଣୀ ରହିବ। ଜାଲିଆନାୱାଲା ବାଗର ସହିଦମାନଙ୍କ ଦେଶଭକ୍ତିର ଭାବନା ଆଗାମୀ ପିଢ଼ିକୁ ପ୍ରେରଣା ଯୋଗାଇବ ବୋଲି ରାଷ୍ଟ୍ରପତି ବିଶ୍ୱାସ ବ୍ୟକ୍ତ କରିଥିଲେ। ଉପରାଷ୍ଟ୍ରପତି ଜଗଦୀପ ଧନଖଡ଼ ସୋସିଆଲ ମିଡିଆରେ ଏକ ପୋଷ୍ଟ କରି ଦେଶବାସୀଙ୍କୁ ସ୍ୱାଧୀନତା ଏବଂ ନ୍ୟାୟର ମୂଲ୍ୟବୋଧ ପ୍ରତି ନିଜକୁ ସମର୍ପିତ କରିବାକୁ ଅନୁରୋଧ କରି କହିଛନ୍ତି ଯେ ଏହା ଆମର ସ୍ୱାଧୀନତା ସଂଗ୍ରାମର ମୂଳଦୁଆ।
ଦିଲ୍ଲୀ ମୁଖ୍ୟମନ୍ତ୍ରୀ ଗିରଫ ମାମଲା – ସୋମବାର ସୁପ୍ରିମକୋର୍ଟରେ ଶୁଣାଣି
ଜାଲିଆନାୱାଲା ବାଗ ହତ୍ୟାକାଣ୍ଡର ବୀର ସହିଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ୧୯୧୯ ମସିହା ଏପ୍ରିଲ ୧୩ ତାରିଖରେ ପଞ୍ଜାବର ଅମୃତସରର ଜାଲିଆନାୱାଲା ବାଗରେ ବ୍ରିଟିଶ ଜେନେରାଲ ଡାୟାର ନିରସ୍ତ୍ର ଭାରତୀୟଙ୍କ ଉପରକୁ ଗୁଳି ଚଳାଇଥିଲେ। ଏହି ଘଟଣାରେ ଶତାଧିକ ଲୋକ ପ୍ରାଣ ହରାଇଥିବା ବେଳେ ଅନେକ ଆହତ ହୋଇଥିଲେ। କଂଗ୍ରେସ ନେତା ରାହୁଲ ଗାନ୍ଧି ସୋସିଆଲ ମିଡିଆରେ ଏକ ପୋଷ୍ଟରେ କହିଛନ୍ତି ଯେ ଜାଲିଆନାୱାଲା ବାଗ ହତ୍ୟାକାଣ୍ଡ ଏକ ଅନ୍ୟାୟ ଶାସନର ବର୍ବରତାର ପ୍ରତୀକ ଯାହା ସବୁବେଳେ ଇତିହାସର କଳା ପୃଷ୍ଠାରେ ଲିପିବଦ୍ଧ ରହିବ।
ଏହି ହତ୍ୟାକାଣ୍ଡରେ ପ୍ରାଣ ହରାଇଥିବା ଲୋକମାନେ ବିଶ୍ୱକୁ ଅଧିକ ଶାନ୍ତିପୂର୍ଣ୍ଣ, ସମାନ ଏବଂ ସମସ୍ତଙ୍କ ପାଇଁ ସମ୍ମାନଜନକ କରିବା ପାଇଁ ପ୍ରୟାସ କରିଥିଲେ ଏବଂ ସେମାନଙ୍କୁ ସମ୍ମାନର ସହ ସ୍ମରଣ କରାଯିବା ଉଚିତ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି।
https://youtu.be/BgOEzzVSLj4
ସୋସିଆଲ ମିଡିଆରେ ଏକ ପୋଷ୍ଟରେ ଆମ୍ ଆଦମୀ ପାର୍ଟି କହିଛି ଯେ ଜାଲିଆନାୱାଲା ବାଗ ହତ୍ୟାକାଣ୍ଡ ଭାରତର ସ୍ୱାଧୀନତା ସଂଗ୍ରାମରେ ପରିବର୍ତ୍ତନର ଏକ କେନ୍ଦ୍ରବିନ୍ଦୁ ଥିଲା ଏବଂ ବ୍ରିଟିଶ ଶାସନର ଅତ୍ୟାଚାର ଉଧମ ସିଂହଙ୍କ ସମେତ ଅନେକ ବିପ୍ଳବୀଙ୍କୁ ଜନ୍ମ ଦେଇଥିଲା।
Comments are closed.