ଦୁଇ କଣ୍ଟେନର ଧକ୍କା, ଡ୍ରାଇଭର ଗୁରୁତର

ଜଳେଶ୍ଵର: ଦୁଇ କଣ୍ଟେନର ଧକ୍କା, ଡ୍ରାଇଭର ଗୁରୁତର। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ଜଳେଶ୍ଵର ଥାନା ୬୦ ନଂ ଜାତୀୟ ରାଜପଥରେ। ଆଜି ଭୋର ସମୟରେ ଏନଏଚ୍ ୬୦ ବାଲେଶ୍ଵର ପଟୁ ଏକ ପାର୍ସଲ ବୋଝେଇ କଣ୍ଟେନର ଆସୁଥିଲା। ଏତିକିବେଳେ ବିପରୀତ ଦିଗରୁ ଅତି ଦ୍ରୁତ ଗତିରେ ଆସୁଥିବା ଅନ୍ୟ କଣ୍ଟେନର ତାକୁ ଧକ୍କା ଦେଇଥିଲା। ଫଳରେ ପାର୍ସଲ ବୋଝେଇ କଣ୍ଟେନରଟି  ଭାରସାମ୍ୟ ହରାଇ ଏନଏଚ୍ କଡକୁ ଖସି ପଡିଥିଲା। ଏଥିରେ ଥିବା ଡ୍ରାଇଭର ଜଣକ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ତୁରନ୍ତ ତାଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଛନ୍ତି। ଘନ କୁହୁଡି ଯୋଗୁଁ ଏଭଳି ଅଘଟଣ ଘଟିଥିବା କୁହାଯାଉଛି। ପରେ ଖବର ପାଇ ସ୍ଥାନୀୟ ପୁଳିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।